नवी दिल्ली- देशभरात कोरोनाने थैमान घातले आहे. भारतात कोरोनाची दुसरी लाट आल्याचे दिसून येत आहे. दिवसेंदिवस कोरोना रुग्णांची संख्या वाढत आहे. त्याचवेळी कोरोनावर नियंत्रण मिळवण्यासाठी सरकारकडून सर्वतोपरी प्रयत्न सुरु आहेत. याचदरम्यान कोरोना प्रतिबंधक लस दिली जात आहे. कोरोना प्रतिबंधात्मक लस घेतल्यानंतर काय करावं-काय करु नये, तसेच काय खावं, काय खाऊ नये याबाबत बरेच वाद आहेत. दरम्यान, कोविडवरील लस घेतल्यानंतर शारीरिक संबंध ठेवावेत किंवा नाहीत याबाबत सोशल मीडियावर मोठ्या चर्चा होत आहेत. अनेकांना हा प्रश्न सतावतही आहे. आरोग्य मंत्रालयानेही याबाबत कुठलीच औपचारिक गाइडलाइन्स जारी केलेली नाही. वैद्यकीय तज्ज्ञांनी मात्र कोविड लसीचा दुसरा डोस घेतल्यानंतर शारीरिक संबंध ठेवताना गर्भनिरोधकांचा वापर करण्यास सांगितले आहे. 

SARS-CoV2 या विषाणूची तीव्रता कमी करण्यासाठी ही लस विकसित करण्यात आली आहे. त्यामुळे या लसीचा स्त्री किंवा पुरुषांवर शारीरिक संबंध ठेवताना दुष्परिणाम होईल किंवा नाही याबाबत आत्ताच काही सांगता येणार नाही. एखाद्यी रोगप्रतिबंधक लहरी व्यक्तीसाठी शारीरिक संबंधातून दूर राहणे नेहमी शक्य नसते, असे गाझियाबाद येथील कोलंबिया अशिया रुग्णालयाचे वैद्यकीय अधिकारी डॉ. दीपक वर्मा यांनी इंडियन एक्स्प्रेसशी बोलताना सांगितले.  

हेही वाचा- PM मोदींना आव्हान देणार ममतादीदी, वाराणसीतून लोकसभेच्या मैदानात?

तथापि, डॉक्टरांनी सद्य परिस्थितीत प्रतिबंध हीच एक सर्वोत्तम सुरक्षा असल्याचे म्हटले आहे. त्यामुळे स्त्री आणि पुरुषांनी कोरोनावरील लस घेतल्यानंतर किमान शारीरिक संबंध ठेवताना 2 ते 3 आठवडे कंडोमसारख्या गर्भनिरोधकांचा वापर करावा, असे ते म्हणाले. 

त्यांनी पुढे म्हटले की, लसीचा आपल्यावर काय परिणाम होणार आहे, याची आपल्याला माहिती नाही. त्यामुळे कंडोमचा वापर करणे ही अत्यंत योग्य सुरक्षा आहे. त्याचबरोबर लस घेण्यापूर्वी महिलांनी स्त्री रोग तज्ज्ञांचा सल्ला घ्यावा, असेही ते म्हणाले.