श्रीनगर - जम्मू काश्मीरमधील कुलगाम जिल्ह्यात भारतीय सुरक्षादल आणि दहशतवाद्यांमध्ये चकमक सुरू आहे. या चकमकीत आतापर्यंत सुरक्षा दलाने दोन दहशतवाद्यांचा खात्मा केला आहे. परिसरात आणखी काही दहशतवादी लपून बसल्याची माहिती मिळत आहे. भारतीय सुरक्षा दलाकडून परिसरात शोध मोहिम राबवली जात आहे.
याबाबत मिळालेल्या माहितीनुसार, भारतीय सुरक्षा दलाला माहिती मिळाली होती की, कुलगाममधील चिंगामा भागात काही दहशतवादी लपून बसले असून ते मोठा कट रचत आहेत. यानंतर सुरक्षा बलाने स्थानिक पोलिस आणि सीआरपीएफच्या एका तुकडीसह परिसराला घेराव घातला. सुरक्षादलाने घेरताच दहशतवाद्यांनी गोळीबार सुरू केला.
भारतीय सुरक्षादलांनी दहशतवाद्यांना शरण येण्यास सांगितलं मात्र त्यांनी गोळीबार सुरूच ठेवला. त्यानंतर प्रत्युत्तरादाखल सुरक्षा दलाने गोळीबार केला. दहशतवाद्यांकडून होत असलेल्या गोळीबारावरून तीन दहशतवादी असण्याची शक्यता आहे. दोन्ही बाजूंनी झालेल्या गोळीबारात दोन दहशतवाद्यांना सुरक्षादलाने यमसदनी धाडलं. इतर दहशतवाद्यांचा शोध घेतला जात आहे.
याआधीही जम्मू काश्मीरमध्ये शोपिया जिल्ह्यात भारतीय सुरक्षा दलाने मोठी कारवाई केली होती. बुधवारी केलेल्या या कारवाईत तीन दहशतवाद्यांना ठार करण्यात आलं होतं. पोलिसांनी सांगितलं होतं की, दहशतवादी लपल्याची माहिती मिळाल्यानंतर सुरक्षा दलाने मंगळवारी जैनपोरा भागात सुगान गावात शोधमोहिम सुरू केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.