बिलासपूर (छत्तीसगड): पाण्यात मोटार अडकल्यानंतर तिघेजण मोटारीच्या टपावर जाऊन बसले. पण, पाण्याचा वेग वाढू लागल्यामुळे जीव वाचविण्यासाठी त्यांची धडपड सुरू झाली. त्यांच्या मदतीला जेसीबी धावून आला आणि तिघांचा जीव वाचला. व्हिडिओ व्हायरल झाल्यानंतर जेसीबी चालकाचे सोशल मीडियावर कौतुक होत आहे.
आयपीएस अधिकार दिपांशू काबरा यांनी संबंधित व्हिडिओ ट्वीट केला आहे. या व्हिडिओमध्ये पाहायला मिळते की, पाण्यामध्ये एक मोटार अडकली. मोटारीमधून तिघे जण बाहेर येऊन टपावर जाऊन बसले. पण, पाण्याने त्यांना वेढले आणि पाण्याचा वेगही वाढू लागला. जीव वाचवण्यासाठी या तिघांची धडपड सुरू झाली. याबाबतची माहिती पोलिसांना मिळाल्यानंतर पोलिस अधिकारी घटनास्थळी दाखल झाला. तिघांना वाचविण्यासाठी त्यांनी जेसीबी मागवला. जेसीबी चालक प्रसंगावदान राखत वेगात आला. जेसीबीचा पुढचा भाग पॉकलँडमध्ये तिघांनाही अलगद उचलून पुराच्या पाण्यातून बाहेर काढत जीव वाचवला. संबंधित व्हिडिओ व्हायरल झाल्यानंतर जेसीबी चालकाचे नेटिझन्स कौतुक करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.