SFI Launches Protest at JNU Against Devendra Fadnavis:छत्रपती शिवाजी महाराज सामारिक अध्यासन केंद्राचं भूमिपूजन आणि कुसुमाग्रज मराठी भाषा अध्ययन केंद्राचं उद्घाटन आज(गुरुवार) मुख्यमंत्री देवेंद्र फडणवीस यांच्या हस्ते नवी दिल्लीतील जेएनयूमध्ये पार पडत आहे. मात्र याप्रसंगी एक स्टुंडट फेडरेशन ऑफ इंडियाच्या कार्यकर्त्यांनी मुख्यमंत्री फडणवीसांविरोधात जोरदार घोषणाबाजी सुरू केल्याचे समोर आले.

नवी दिल्लीच्या जेएनयूमध्ये आज छत्रपती शिवाजी महाराज सामारिक अध्यासन केंद्राचं भूमिपूजन आणि कुसुमाग्रज मराठी अध्यासन केंद्राचं उद्धाटन होत आहे. मात्र या सोहळ्याला एसएफआय विद्यार्थी संघटनेकडून विरोध केला गेला आहे.

महाराष्ट्रात विशेषकरून मुंबईत मराठी विरुद्ध हिंदी असा उद्भवलेल्या वादाच्या पार्श्वभूमीवर विद्यार्थी संघटनेकडून हे आक्रमक पाऊल उचलण्यात आल्याचं समोर आले आहे. अनेक आंदोलकांनी आक्रमकपणे प्रतिक्रिया देत, फडणवीसांना विरोध केला आहे.

तर, मुख्यमंत्री फडणवीस आज जेएनयूमध्ये येणार असल्याच्या पार्श्वभूमीवर सकाळपासूनच एसएफआय संघटनेकडून याला विरोध दर्शवत आक्रमक भूमिका दर्शवली होती. यानंतर जेव्हा फडणवीसांचे जेएनएयू कॅम्पसमध्ये आगमन झाले, तेव्हा या संघटनेकडून घोषणाबाजी सुरू झाली.

आरएएस, हिंदुत्व डाउन डाउन, देवेंद्र फडणवीस गो बॅक ... अशा घोषणा दिल्या जात होत्या. आम्ही देवेंद्र फडणवीस यांचा यासाठी विरोध करत आहोत, कारण ते जनविरोधी धोरणं आणत आहेत. संविधानाच्या बळावर आम्ही हे आंदोलन करत आहोत, असंही आंदोलकांनी सांगितलं आहे.