भोपाळ (मध्य प्रदेश): न्यायाधीश आणि त्यांच्या मुलाने चपाती खाल्यानंतर त्यांचा मृत्यू झाला. याप्रकरणी एका महिला आणि मांत्रिकासह सहा जणांना अटक करण्यात आली आहे. जिल्हा अतिरिक्त व सत्र न्यायाधीश महेंद्र त्रिपाठी आणि त्यांच्या ३३ वर्षीय मुलाचा दोन दिवसांपूर्वी मृत्यू झाला. जेवणानंतर त्यांना अस्वस्थ दोन वाटू लागले होते. अखेर दोन दिवसांनी त्यांचा मृत्यू झाला होता.
पोलिसांनी याप्रकरणी स्वयंसेवी संस्था चालवणाऱ्या संध्या सिंह नावाच्या महिलेला अटक केली आहे. संध्या सिंह हिनेच न्यायाधीशांच्या कुटुंबाला विषारी पीठ दिले होते. त्यांच्या घरात एकोपा राहावा यासाठी आपण पूजा केल्यानंतर हे पीठ दिल्याचा तिचा दावा आहे.
पोलिसांनी दिलेल्या माहितीनुसार, न्यायाधीशांनी २० जुलै रोजी घरी पीठ आणले होते. त्यांच्या कुटुंबाने त्याच दिवशी जेवणासाठी त्या पीठाच्या चपात्या केल्या होत्या. पण, न्यायाधीश आणि त्यांच्या मुलानेच चपात्या खाल्ल्या होत्या. पत्नीने फक्त भात खाल्ला होता. जेवण झाल्यानंतर काही वेळातच न्यायाधीश आणि त्यांच्या मुलाला उलट्या होऊ लागल्या. २३ जुलै रोजी त्यांची प्रकृती अजून खालावली होती. २५ जुलै रोजी उपचारासाठी दोघांनाही नागपूर येथील रुग्णालयात दाखल करण्यात आले होते. उपचारादरम्यान पहिल्या दिवशी मुलाचा आणि दुसऱ्या दिवशी न्यायाधीशांचा मृत्यू झाला. न्यायाधीशांचा लहान मुलगाही चपाती खाल्लायनंतर आजारी पडला होता, पण आता त्याची प्रकृती स्थिर आहे.
संध्या सिंह आणि तिच्या चालकाला अटक करण्यात आली. दोघांची चौकशी केल्यानंतर पुन्हा तिघांना अटक करण्यात आली. महिलेला सल्ला देणाऱ्या मांत्रिकाने पळून जाण्याचा प्रयत्न केला. मात्र पोलिसांनी त्यांना ताब्यात घेतले. याबाबतचा पुढील तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.