Karnataka Assembly Election Result 2023 : संपूर्ण देशाचं लक्ष लागलेल्या कर्नाटक विधानसभेच्या मतमोजणीला सध्या सुरूवात झाली आहे. निवडणुकीत कॉंग्रेस आणि भाजप यांच्यामध्ये सरळ लढत पाहायला मिळत आहे.

आता निपाणीतून मोठी बातमी समोर येत आहे. निपाणी मतदार संघातून राष्ट्रवादीचे उमेदवार उत्तम पाटील यांनी आघाडी घेतली असून भाजपच्या शशिकला जोल्ले, कॉंग्रेसचे काकासाहेब पाटील पिछाडीवर आहेत. उत्तम पाटील सध्या 777 मतांनी आघाडीवर आहेत.

त्यामुळं राष्ट्रवादी कर्नाटकात खातं उघडणार का, हे पाहणं महत्वाचं ठरणार आहे. कर्नाटकातील 224 जागांसाठी 10 मे रोजी निवडणूक झाली. कर्नाटकातील निवडणुकीसाठी 72.67 टक्के मतदारांनी आपला मतदानाचा हक्क बजावला.