Karnataka Assembly Election Result 2023 : कर्नाटक निवडणुकीच्या निकालाला अवघे काही तास उरले आहेत. संपूर्ण देशाचं लक्ष लागलेल्या कर्नाटक विधानसभेच्या मतमोजणीला सध्या सुरूवात झाली आहे.

निवडणुकीत कॉंग्रेस आणि भाजप यांच्यामध्ये सरळ लढत पाहायला मिळत आहे. तसंच नेहमीप्रमाणं JDS यावेळीही किंगमेकर ठरणार का याकडं लक्ष लागलं आहे. मात्र, निकालांत प्रमुख पक्षांचे उमेदवार पिछाडीवर असल्याचं दिसत आहे.

यामध्ये चन्नापटना विधानसभा मतदारसंघातून कुमारस्वामी, हुबळी धारवाडमध्ये मतदारसंघातून काँग्रेस नेते जगदीश शेट्टर पिछाडीवर आहेत. याशिवाय, महाराष्ट्र एकीकरण समितीचे उमेदवार रमाकांत कोंडूसकर, बल्लारी ग्रामीणमधून भाजपचे श्रीरामल्लू, भाजप प्रभारी सी.टी. रवी पिछाडीवर आहेत. तर महाराष्ट्र एकीकरण समितीचे 6 आणि राष्ट्रवादीचे उमेदवार 9 पिछाडीवर असल्याचं चित्र आहे.