अथणी : अनेक वर्षांत आमदारकीपासून दूर असलेले राजू कागे व लक्ष्मण सवदी (Laxman Savadi) हे राजकीय दोस्त वेगळे झाले होते. आता हे दोघे पक्ष बदलून पुन्हा विधानसभेत जात आहेत. त्यात सवदी यांच्यामुळे राजू कागे यांचा विजय सोपा झाला. त्यामुळं ही दोस्ती कायम राहणार आहे.

अथणी व कागवाड विधानसभा मतदारसंघांत एक वेगळाच बदल घडवून आणला आहे. अखेरच्या टप्प्यात दोस्ती एकत्र आली. त्या दोघांनी मतदारसंघात काँग्रेसचा (Congress) झेंडा फडकवला. २००४ मध्ये कर्नाटकाचे भाजपचे राज्य अध्यक्ष अनंतकुमार यांच्या उपस्थितीत लक्ष्मण सवदी आणि राजू कागे (Raju Kage) यांनी भाजपमध्ये प्रवेश केला व पुढे येणाऱ्या विधानसभा निवडणुकीत त्यांनी निवडणूक लढवून सतत तीन वेळा हॅट्रिक केली.

२०१८ च्या विधानसभा निवडणुकीत लक्ष्मण सवदी भाजपमध्ये राहिले तर राजू कागे काँग्रेसमध्ये राहिले. त्यामुळे एकमेकांमध्ये वेगळे पक्ष निर्माण होऊन सवदी भाजपमधून तर कागे यांनी काँग्रेसमधून निवडणूक लढवली. दोघे वेगळ्या पक्षात असले तरी दोघेही पराभूत झाले होते. २०१८ च्या विधानसभेत दोघेही पराभूत झाले. त्यानंतर ऑपरेशन कमळच्या माध्यमातून सवदींचे विरोधक महेश कुमठळ्ळी व कागेंचे विरोधक श्रीमंत पाटील दोघेही भाजपमध्ये गेले.

त्यामुळे २०१९ निवडणुकीत कागे यांनी काँग्रेसमधून निवडणूक लढवली तरीही ते पराभूत झाले. २०२३ च्या विधानसभा निवडणुकीसाठी भाजपने सवदी यांना डावलले. त्यावेळी कागे यांनी त्यांच्या घरी जाऊन त्यांना काँग्रेसमध्ये येण्याचा सल्ला दिला. त्यानुसार सवदी यांनी काँग्रेस प्रवेश केला असून त्यांनी कागे यांनाही विजयी करण्यास मदत केली.

२०१८ च्या विधानसभा निवडणुकीत दोघेही पराभूत झाले होते. राजू कागे घरी बसले. लक्ष्मण सवदी उपमुख्यमंत्री बनले. त्यावेळी राजू कागे काँग्रेसमधून निवडणूक लढवली, परंतु त्यांचा मित्र लक्ष्मण सवदी यांनी पोटनिवडणुकीत भाजपचे उमेदवार श्रीमंत पाटील यांना मोठ्या मताधिकाने विजय केले. लक्ष्मण सवदी यांनी काँग्रेसमधून निवडणूक लढवून मोठ्या मताने विजयी होत वर्चस्व सिद्ध केले आहे.