म्हैसूर (कर्नाटक) : राज्यात काँग्रेस पूर्ण बहुमत मिळवून स्वबळावर सत्ता स्थापन करेल, असा विश्वास काँग्रेस नेते आणि माजी मुख्यमंत्री सिद्धरामय्या (Siddaramaiah) यांचे पुत्र यतिंद्र सिद्धरामय्या (Yathindra Siddaramiah) यांनी व्यक्त केला.

कर्नाटकच्या हितासाठी माझे वडील मुख्यमंत्री व्हायला हवेत, असंही त्यांनी म्हटलं. 'भाजपला सत्तेपासून दूर ठेवण्यासाठी आम्ही काहीही करू. कर्नाटकच्या हितासाठी माझ्या वडिलांनी मुख्यमंत्री व्हायला हवं. राज्यात काँग्रेसला (Congress) पूर्ण बहुमत मिळेल आणि वरुणा मतदारसंघातून माझे वडील मोठ्या मताधिक्याने विजयी होतील.'

आम्हाला पूर्ण विश्वास आहे की, आम्ही स्वबळावर सरकार बनवू. एक मुलगा या नात्यानं मला नक्कीच त्यांना मुख्यमंत्री म्हणून बघायला आवडेल, असंही त्यांनी स्पष्ट केलंय.