Karnataka Election Results 2023 : कर्नाटक निवडणुकीच्या ट्रेंडमध्ये काँग्रेसनं (Congress) बहुमताचा आकडा पार केलाय. त्याचवेळी भाजप दुसऱ्या क्रमांकावर आणि जेडीएस तिसऱ्या क्रमांकावर आहे.

नुकताच राष्ट्रीय पक्षाचा दर्जा प्राप्त केलेल्या अरविंद केजरीवाल (Arvind Kejriwal) यांच्या आम आदमी पक्षानं कर्नाटक या रणांगणातही आपले उमेदवार उभे केले आहेत. मात्र, आम आदमी पक्षाला (Aam Aadmi Party) अपेक्षेनुसार यश मिळताना दिसत नाहीये.

मतमोजणीत आम आदमी पक्षाच्या मतदानाच्या टक्केवारीबद्दल बोलायचं झालं, तर कर्नाटकच्या जनतेनं त्यांना पूर्णपणे नाकारलं आहे. निवडणूक आयोगाच्या आकडेवारीनुसार, आतापर्यंत आम आदमी पक्षाला 0.56 टक्के मतं मिळाली आहेत. दुसरीकडं मतांचा विचार करता त्यांना आतापर्यंत 45201 मतं मिळाली आहेत.

2018 मध्ये AAP नं कर्नाटकात 28 जागा लढवल्या, पण इथं छाप पाडण्यात अपयश आलं. कर्नाटकात पक्षाला केवळ 0.06 टक्के मतं मिळाली. दरम्यान, कर्नाटक विधानसभेतील एकूण 224 मतदारसंघांपैकी 209 जागांवर पक्षानं उमेदवार उभे केले आहेत. यातील 15 जागांवर पक्षानं चुरशीची लढत देण्याची अपेक्षा व्यक्त केली होती. गुजरात विधानसभा निवडणुकीत काही प्रमाणात यश मिळाल्यानंतर कर्नाटकातही आम आदमी पक्षाला यशाची अपेक्षा आहे. मात्र, इथं त्यांना अपयश आलं आहे.