बंगळूर : बेळगावमधील राजकीय उलथापालथीच्या पार्श्वभूमीवर उपमुख्यमंत्री डी. के. शिवकुमार (D. K. Shivakumar) यांनी काही दिवसांपूर्वी मंत्री सतीश जारकीहोळी यांची भेट घेतली होती. त्यानंतर आता खासदार डी. के. सुरेश यांनीही जारकीहोळी यांची भेट घेऊन चर्चा केली.

सतीश जारकीहोळी (Satish Jarkiholi) यांच्या येथील शासकीय निवासस्थानी काल (गुरुवार) ही भेट झाली. अर्थात या भेटीने आणि संवादाने उत्सुकता वाढवली आहे.

सुरेश (D. K. Suresh) म्हणाले, शहरात पावसामुळे रस्त्यावर खड्डे पडले आहेत. मतदारसंघातील रस्त्यांच्या विकासासाठी आणखी निधी द्यावा, अशी मागणी करण्यासाठी आलो होतो. जारकीहोळी यांनी भेटीदरम्यान सकारात्मक प्रतिसाद दिला. शासनाने मान्यता देताच माझ्या मतदारसंघाला आणखी निधी देण्याचे आश्वासन दिले.