तिरुअनंतपुरम : केरळमधील सरकारी वैद्यकीय महाविद्यालयाच्या रुग्णालयात विलगीकरण कक्षात ठेवलेल्या कोरोना व्हायरसच्या १७ संशयित रुग्णांसाठी नाष्टा, दोन वेळचे जेवण आणि वाचनासाठी पुस्तके अशा सुविधा पुरविण्यात आल्या आहेत.
विलगीकरण कक्षात १५ भारतीय रुग्ण (सर्व केरळचे रहिवासी) आणि दोन ब्रिटनचे नागरिक आहेत. त्यांच्यासाठी स्वतंत्र मेन्यू तयार केला जातो, असे रुग्णालयाचे निवासी वैद्यकीय अधिकारी डॉ. गणेश मोहन यांनी सांगितले. भारतीय रुग्णांना सकाळी साडेसात वाजता डोसा- सांबर, दोन अंडी, दोन संत्री, चहा आणि एक लिटर मिनरल पाणी दिले जाते. ब्रिटिश रुग्णांना कांदाविरहित आम्लेट, टोस्ट, सूप आणि फळांचा रस दिला जातो.
भारतीयांना सकाळी साडेदहाच्या सुमारास फळांचा रस देतात. दुपारच्या जेवणात दोन चपात्या, भात, मासे, आमटी, दही असा चौरस आहार असतो. एक लिटर मिनरल पाणीही त्या वेळी देतात. विदेशी रुग्णांसाठी सकाळी अकरा वाजता अननसाचा रस आणि दुपारी बारा वाजता जेवणात टोस्ट चीज (आवश्यकता असल्यास) फळे असा आहार असतो.
केरळच्या रुग्णांना दुपारी साडेतीनला चहा-बिस्कीट, तळलेले केळ आणि वडा असे पदार्थ खाण्यास देतात. सायंकाळी सात वाजता रात्रीच्या जेवणात अप्पम, शिजवलेल्या भाज्या, दोन केळी आणि एक लिटर पाणी असा मेन्यू असतो. ब्रिटनच्या रुग्णांसाठी सायंकाळी चार वाजता फळांचा रस आणि रात्रीच्या जेवणात टोस्ट ब्रेड, अंडी आणि फळे असा आहार असतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.