अमेरिकेचे राष्ट्राध्यक्ष डोनाल्ड ट्रम्प यांच्या भारत दौऱ्यादरम्यान दिल्लीतील दंगल घडवून आणली होती. यात जेएनयूचा माजी विद्यार्थी उमर खालिदचा हात होता, असे दिल्ली पोलिसांनी कोर्टात सांगितले आहे. फेब्रुवारीमध्ये दिल्लीमध्ये दंगल उसळली होती. यावेळी झालेल्या हिंसाचारात 53 जणांनी आपला जीव गमावला होता तर 200 हून अधिक नागरिक जखमी झाले होते.   

दिल्ली पोलिसांनी कोर्टात सादर केलेल्या आरोप पत्रात म्हटलय की, उमर  खालिदने अमेरिकन राष्ट्राध्यक्ष डोनाल्ड ट्रम्प यांचा दौरा लक्षात घेऊन दिल्लीमध्ये दंगल घडवून आणली. देशात अल्पसंख्यांकांवर अन्याय होत आहे, हा संदेश जगभरात पसरवण्याचा यामागे हेतू होता, असे दिल्ली पोलिसांनी कोर्टात सांगितले.   

सनकी फॅन; नितीश कुमार चौथ्यांदा CM झाल्यावर समर्थकाने कापले आपले चौथे बोट

पूर्वी दिल्लीतील कथित सांप्रदायिक हिंसाचाराच्या प्रकरणात दिल्ली पोलिसांनी खालिद, शरजील आणि फैजान खान यांच्यावर आरोपपत्र दाखल केले आहे.  दिल्लीतील कडकडडूमा न्यायालयातील अतिरिक्त सत्र न्यायाधीश अमिताभ रावत यांच्यासमोर दिल्ली पोलिसांनी 930 पानांचे आरोपपत्र दाखल केले आहे.  आरोप पत्रानुसार, खालिद 23 फेब्रुवारीला दिल्लीहून पटनाला गेला आणि तो 27 फेब्रुवारीला दिल्लीत परतला. खालिदने अन्य संशयित आरोपिसोबत चांद बाग येथील कार्यालयात एक बैठक बोलावली होती. खालिद आणि अन्य दोन आरोपींनी दिल्लीतील हिंसाचार हा नियोजित कट रचून घडवून आणला, असे दिल्ली पोलिसांनी म्हटले आहे. 

हेही वाचा - अमित शहा झोपले होते का? रोहिंग्यासंदर्भातील वक्तव्यावर ओवेसींनी दिलं भाजपला चॅलेंज

पोलिसांनी कोर्टात दिलेल्या माहितीनुसार, खालिदने दोन वेगवेगळ्या ठिकाणी चिथावणीखोर  भाषण दिले. एवढेच नाही तर भाषणावेळी खालिदने नागरिकांना ट्रम्प यांच्या दौऱ्यादरम्यान रस्त्यावर उतरुन आंदोलन करत अल्पसंख्यांकावर होणारा अत्याचाराला वाचा फोडण्याची भाषा केली होती. दंगल घडवून आणण्याच्या उद्देशाने अनेक घरात स्फोटकजन्य साहित्याचा साठा करुन ठेवण्यात आला होता, असा दावाही पोलिसांनी केला आहे. या प्रकरणात खालिद आणि इमाम न्यायालयीन कोठडीत असून खानला उच्च न्यायालयाने जामीन मंजूर केलाय.