Know who is Sunita Kejriwal : दिल्लीचे मुख्यमंत्री अरविंद केजरीवाल हे सध्या ई़डीच्या कोठडीत आहेत. ईडीने केजरीवाल यांना दिल्ली मद्य धोरण घोटाळा प्रकरणात अटक केली आहे. यादरम्यान सुनिता केजरीवाल या त्यांच्या पत्नी सध्या चर्चेत आल्या आहेत.

अरविंद केजरीवाल यांनी तुरुंगातून जनतेसाठी एक संदेश पाठवला होता, जो त्यांच्या पत्नी सुनीता केजरीवाल यांनी आज एका व्हिडिओच्या माध्यमातून वाचून दाखवला.

या सर्व घडामोडीदरम्यान अरविंद केजरीवाल यांनी जर राजीनामा दिला तर त्यांच्या पत्नी सुनीता केजरीवाल या मुख्यमंत्रीपदाच्या दावेदार असल्याचे बोलले जात होते. मात्र आम आदमी पक्षाने आणि स्वतः केजरीवाल यांनी जेलमध्ये गेल्यानंतर देखील तेच तुरुंगातून मुख्यमंत्रीपद सांभाळतील आणि राजीनामा देणार नसल्याचे म्हटले आहे.

सुनीता केजरीवाल कोण आहेत?

सुनिता केजरीवाल या त्यांच्या पती प्रमाणे सक्रिय राजकारणात नाहीयेत. त्या एक हाउसवाइफ आहेत आणि दिल्लीच्या मुख्यमंत्र्यांच घर सांभाळतात. मात्र सुनीता केजरीवाल या आयआरएस अधिकारी राहिल्या आहेत. त्यांनी आठ वर्षांपूर्वी या पदावरून व्हीआरएस घेतला होता. त्यांनी १३ जुलै रोजी व्हीआरएस घेतला त्या त्याच्या दोन दिवसांनंतर रिटायर होणार होत्या. यापूर्वी अरविंद केजरीवाल यांनी देखील २००६ साली याच पदावरून राजीनामा दिला होता. केजरीवाल तेव्हा भारतीय महसूल सेवेत सहआयुक्त म्हणून नियुक्त होते.

केजरीवाल यांच्याशिवाय पत्नी सुनीता केजरीवाल या देखील महसूल अधिकारी म्हणून काम करत होत्या. इतकेच नाही तर नाही तर दिल्ली विधानसभा निवडणुकीत विजय मिळवल्यानंतर केजरीवाल यांनी त्या विजयाचे श्रेय पत्नीला दिले होते. सीएम केजरीवाल आणि पत्नी सुनीता यांना दोन मुले आहेत. मुलाचे नाव पुलकित आणि मुलीचे नाव हर्षिका आहे.