नवी दिल्ली : पोशाखामुळे स्टेट बँकेत (State Bank Of India) प्रवेश नाकारण्यात आल्याचा आरोप एक व्यक्तीने केला आहे. कोलकातामध्ये (Kolkata) ही घटना घडली असून त्याची पोस्ट सोशल मीडियावर व्हायरल झाली आहे. त्यानंतर बँकेने देखील त्याच्या तक्रारीची दखल घेतली आहे.
आशिष असे या व्यक्तीचे नाव असून त्याने बँकेत जाताना तोकडे कपडे घातले होते. बँकेतील कर्मचार्यांनी त्यांना पूर्ण पँट घालून परत येण्यास सांगितले. कारण त्यांना सभ्यता अपेक्षित होती, असं त्याने ट्विटमध्ये लिहिले आहे. "ग्राहक काय घालू शकतो आणि काय घालू शकत नाही याबद्दल काही अधिकृत धोरण आहे का?" असा प्रश्नही त्याने विचारला.
16 नोव्हेंबर रोजी ट्विटरवर पोस्ट केल्यानंतर पोस्ट चांगलीच व्हायरल झाली. या पोस्टवर अनेकांनी प्रतिक्रिया दिली असून काही संबंधित व्यक्तीच्या समर्थनार्थ पुढे आले तर, काहींनी बँकेला पाठींबा दिला. SBI ने देखील त्या व्यक्तीच्या पोस्टवर टिप्पणी केली आणि स्पष्ट केले की बँकेत प्रवेश करण्यासाठी कोणतेही धोरण किंवा ड्रेस कोड नाही. त्यांनी त्याला शाखेचे नाव सांगण्यास सांगितले. त्यानंतर जॉय चक्रवर्ती यांनी त्यांच्या घरी भेट देऊन वैयक्तिकरित्या समस्येचे निराकरण केले. त्यानंतर आशिषने तक्रार मागे घेण्याची तयारी दर्शविली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.