Lal Bahadur Shastri Jayanti 2023 : आपल्या देशात असे अनेक नेते आहेत ज्यांनी आपल्या मिळकतीपेक्षा जास्त संपत्ती गैर मार्गाने मिळवली म्हणून चर्चेत आले. पण या देशात लाल बहाद्दूर शास्त्री हे असे पंतप्रधान होऊन गेले आहे ज्यांच्या प्रामाणिकपणाचे दाखले दिले जातात.

त्यांच्यावरील एका पुस्तकात उल्लेख आहे की, ते पंतप्रधान असताना त्यांच्या मुलाने कार घ्यायचा हट्ट केला. त्यावेळी कारची किंमत १२ हजार रूपये होती. पण शास्त्रींकडे फक्त ७ हजार रूपयेच होते. मग त्यांनी पंजाब नॅशनल बँकेकडून कर्ज घेतले होते. काही काळाने त्यांचे निधन झाले तेंव्हा खात्यात फक्त ३६५ रूपये ३५ पैसे होते.

शास्त्रींच्या प्रमाणिक पणाचे अनेक किस्से आहेत. त्यांना मिळालेली सरकारी गाडी त्यांचा मुलगा सुनील शास्त्री यांनी काही वैयक्तिक कामासाठी वापरली होती. त्यावेळी शास्त्रींनी त्यांना समज दिली व त्यांनी जेवढी गाडी वापरी तेवढ्या किलो मीटरचे पैसे सरकारी खजान्यात जमा केले होते.