मदुराई: मागील काही दिवसांपुर्वी कोरोनाने भारतात थैमान घातले होते. त्यामध्ये बरेच व्यवसाय, दुकाने, आणि व्यापार बंद ठेवावे लागले होते. देशातील काही राज्यांचे अपवाद सोडता बऱ्याच राज्यात वाढत्या रुग्णसंख्येमुळे नियम कडक केले होते. या काळात मद्याची दुकानेही बंद होती. त्यामुळे कोरोनाकाळात मद्य पिणाऱ्यांचे चांगलेच हाल झाल होते. पण आता कोरोनाचे नियम शिथिल केल्याने ही दुकाने उघडली आहेत. त्याचाच आनंद एका मद्यप्रेमीला एवढा झाला की बहाद्दराने दुकानाच्या बाहेर पुजा केली. नंतर दारु घेतल्यानंतर त्या बाटल्यांचीही आरती केली आहे. (Madurai worships bottles of liquor)

हा प्रकार तामिळनाडूतील मदुराईत घडला आहे. याचा व्हिडीओ सोशल मिडीयावर मोठ्या प्रमाणात व्हायरल होत आहे. तामिळनाडू राज्य सरकारने राज्यात दारू विक्रीस परवानगी दिली आहे. त्यामुळे सर्व दारूची दुकानी उघडली गेली आहेत. या व्हिडीओत एका मद्यप्रेमीला एवढा आनंद झाला की त्या व्यक्तीने दारु खरेदीच्या अगोदर दुकानासमोर आरती लावून पुजा केली आणि नंतर दारु खरेदी केली आहे. नंतर दारू खरेदी केल्यानंतर त्या मद्यप्रेमीने दारुंच्या बाटल्यांची पुजाही केली आहे. (reopening of liquor shops in the tamilnadu)

कोरोनामुळे दुकाने बंद असल्याने अनेक मद्यप्रेमी दुकाने उघडण्याची वाटच पाहत होते हे या प्रकारावरून दिसून येते. हा व्हिडीओ मदुराईतील असून तो सध्या सोशल मिडीयावर मोठा व्हायरल होत आहे. कारण त्या मद्यप्रेमीचा एवढा आनंद अनेकांच्या समिश्र आणि मजेशीर कमेंट येत आहेत.