झांशी (उत्तर प्रदेश): लॉकडाऊनदरम्यान नवरदेवर वरात घेऊन नवरीच्या दारात आला होता. नवरीने त्या क्षणी पोलिसांना फोन केला आणि विवाहास नकार देत थेट प्रियकरासोबत विवाह केला. उत्तर प्रदेशात या लग्नाची जोरदार चर्चा सुरू झाली आहे.
प्रसारमाध्यमांनी दिलेल्या वृत्तानुसार, धवाकर गावातील मुलीसोबत मडवा गावातील मुलाचा विवाह ठरला होता. विवाहाच्या दिवशी नवरदेव नातेवाईकांसह नवरीच्या गावात पोहचला. पण, नवरीला हा विवाह मान्य नव्हता. नवरीने वरात आल्याचे पाहिल्यानंतर पोलिसांना फोन केला. काही वेळातच लहचूरा पोलिस ठाण्यातील पोलिस घटनास्थळी दाखल झाले. यावेळी मुलीने आपल्याला हा विवाह मान्य नसल्याचे सांगितले. तिच्या कुटुंबियांनी सुद्धा समजूत घालण्याचा प्रयत्न केला. पण, ती ऐकण्याच्या मनस्थितीत नव्हती. काही वेळातच तिचा प्रियकर दाखल झाला. नवरीने आपल्याला प्रियकरासोबत विवाह करायचे असल्याचे सांगितले. यामुळे दोन्ही बाजूकडील कुटुंबिय गोंधळून गेले. शिवाय, घटनास्थळी पोलिस उपस्थित होते. मुलगी सज्ञान असल्यामुळे विवाह कोणासोबत करायचा हे तिच्यावर अवलंबून होते.
दरम्यान, काही वेळानंतर नवरदेवाने आपल्या नातेवाईकांना बाजूला घेऊन परत जाण्याचे ठरवले व याबाबत मुलीच्या नातेवाईकांनाही सांगितले. नवरदेव गेल्यानंतर मुलीने प्रियकरासोबत मंदिरात जाऊन विवाह केला. विवाहानंतर ग्रामस्थांनी नवदांपत्यांना आशीर्वाद दिले. पण, या विवाहाची परिरात चर्चा रंगली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.