लोकसभा निवडणूक २०२४ मध्ये विरोधी पक्षांचा चेहरा कोण असेल? यावर सध्या जोरदार चर्चा सुरू आहे. यादरम्यान विरोधकांकडून भाजप विरोधात एकजूटीसाठी जोरदार प्रयत्न सुरू आहेत यादरम्यान नेमकं आगमी २०२४ च्या लोकसभा निवडणूकीत पंतप्रधान पदासाठी कोणाचे नाव पुढे येईल याबद्दल अद्याप स्पष्टता नाहीये. पंतप्रधान पदासाठी मोदींच्या विरोधात अनेक दावेदार समोर येत आहेत. यादरम्यान दिल्ली आणि पंजाब येथे सत्तेत असलेल्या आपचे नेते अरविंद केजरीवाल देखील पंतप्रधान पदाच्या शर्यतीत असल्याचे सांगितले जात आहे.

आपचे नेते अरविंद केजरीवाल हेच २०२४ मध्ये नरेंद्र मोदींच्या विरोधात भक्कम पर्याय असू शकतात असा दावा करताना दिसत आहेत. यादरम्यान एक सर्व्हे समोर आला आहे ज्यामध्ये पुन्हा एकदा पीएम मोदी सर्वात लोकप्रिय नेते असल्याचं सांगितलं जात आहे. या रेसमध्ये राहुल गांधी दुसऱ्या क्रमांकावर आहेत. तर पंतप्रधान म्हणून अरविंद केजरीवाल, नितीश कुमार आणि ममता बॅनर्जी या नेत्यांना खूप कमी पसंती मिळाली आहे.

लोकनिती यांच्या मदतीने एनडीटीव्हीने जनतेचं मत जाणून घेण्यासाठी हा सर्व्हे केला होता. १० मे ते १९ मे या कालावधीत १९ राज्यात करण्यात आलेल्या या सर्व्हेत सर्वाधिक ४३ टक्के मतं पीएम मोदींना मिळाली. राहुल गांधी यांना २७ टक्के लोकांनी मतं दिली.तर ममता बॅनर्जी आणि अरविंद केजरीवाल यांना संयुक्तपणे तीसऱ्या क्रमांकावर राहीले. मात्र या दोघांना फक्त चार टक्के लोकांनी पहिली पसंती दिली आहे. तर अखिलेश यादव आणि ३ टक्के लोकांनी तर नितीश कुमार यांनी फक्त १ टक्के लोकांनी मतं दिली आहेत.

मोदींना आव्हान कोण देऊ शकेल?

या सर्व्हेमध्ये नरेंद्र मोदी यांना कोणता नेता आव्हान देऊ शकतो असा प्रश्न विचारण्यात आला होता. याला उत्तर देताना ३४ टक्के लोकांनी राहुल गांधी यांना पसंती दिली आहे. तर या यादीत दुसरं नाव अरविंद केजरीवाल यांचं आहे. ११ टक्के लोकांना केजरीवाल हे नरेंद्र मोदी यांच्याविरोधात सर्वात मोठे चॅलेंजर वाटतात. तर ९ टक्के लोकांनी मोदींना कोणीही आव्हान देऊ शकत नाही असे वाटते.