MP New Marriage Law : देशातील अनेक राज्यात लव्ह जिहाद प्रकरणांमध्ये वाढ होताना दिसत आहे. वाढती लव्ह जिहादची प्रकरणं रोखण्यासाठी अनेक राज्यांनी कठोर पावलं उचलण्यास सुरूवात केली आहे.

हेही वाचा : संयुक्त नावावरील गृहकर्जातून होईल प्राप्तीकराची बचत...

मध्य प्रदेशात वाढती लव्ह जिहादची प्रकरणे लक्षात घेता राज्य सरकारकडून कोठोर पावलं उचलण्यास सुरुवात करण्यात आली आहे. त्यात मध्य प्रदेशच्या गृहमंत्र्यांचे मोठे विधान समोर आले आहे. ज्यामुळे अनेकांच्या भुवया उंचावल्या आहेत. ते चार इमलीमध्ये बोलत होते.

लव्ह जिहाद प्रकरणावर बोलताना मध्य प्रदेशचे गृहमंत्री नरोत्तम मिश्रा म्हणाले की, सरकार लव्ह जिहादला रोखण्यासाठी पुढाकार घेणार आहे. ज्यामध्ये इतर धर्मातील विवाहावर पडताळणी यंत्रणा मजबूत केली जाणार आहे. त्यासाठी नोटरी आणि विवाह नोंदणी संस्थांसाठी न्यायालय नियम बनवणार आहे. यामध्ये लग्नापूर्वी पोलीस व्हेरिफिकेशनची व्यवस्था असेल. नाव बदलून बनावट कागदपत्रांसह होणाऱ्या विवाहांवर लक्ष ठेवले जाणार असल्याचेही ते म्हणाले.

दरम्यान, मिश्रा यांच्या या विधानानंतर अनेकांच्या भुवया उंचावल्या असून, मिश्रांच्या वक्तव्याची अंमलबजावणी झाल्यास बनावट कागदपत्रांच्या वापर करून इतर मुलींची फसवणूक करणाऱ्यांवर नजर ठेवली जाणार आहे.