IND vs PAK, T20 World Cup 2021: भारतीय संघाचा टी२० विश्वचषकाच्या सलामीच्या सामन्यात पाकिस्तानने १० गडी राखून दणदणीत पराभव केला. पाकिस्तानच्या संघाने टी२० विश्वचषक स्पर्धेत आजपर्यंत १२ वेळा भारताकडून सपाटून मार खाल्ला होता. मात्र कालच्या सामन्यात पाकिस्तानने सव्याज परतफेड केली. विराट कोहलीने कर्णधारपदाला साजेशी खेळी करत ५७ धावा केल्या आणि संघाला १५१ धावांपर्यंत पोहोचवले. हे आव्हान पाकिस्तानच्या संघाने एकही गडी बाद न होऊ देता सहज पार केलं. पाकिस्तानच्या ऐतिहासिक विजयानंतर मारो मुझे मारो या व्हायरल झालेल्या व्हिडीओमधील तरूणाचा आणखी एक व्हिडीओ व्हायरल झालो.
विविध वर्ल्ड कप सामन्यांमध्ये पाकिस्तान भारताकडून सातत्याने पराभूत होत होतं. त्यावेळी मोमीन सादिक या तरूणाचा एक व्हिडीओ व्हायरल झाला होता. "वक्त बदल दिया, जसबात बदल दिये... मारो मुझे मारो...", असे काही डायलॉग्स असलेला व्हिडीओ खूप व्हायरल झाला होता. त्यानंतर काल पाकिस्तान जिंकल्यानंतर काही वेळाने तो धावत मैदानावर आला आणि त्याने त्या मातीला आणि गवतावर डोकं टेकवलं. पाकिस्तानने आज भारताला पराभूत केल्याची आठवण आणि पाक फॅन्सचा आवाज पुढील २०० वर्षे या स्टेडियममध्ये ऐकू येईल, असंही तो म्हणाला. त्याचा हा व्हिडीओ सध्या चांगलाच चर्चेत आहे.
पाहा व्हिडीओ-
दरम्यान, भारताने प्रथम फलंदाजी करताना १५१ धावा केल्या. या आव्हानाचा पाठलाग करताना पाकिस्तानच्या सलामीवीरांनीच सामना संपवला. कर्णधार बाबर आझम आणि मोहम्मद रिझवान या दोघांनीच १५२ धावांचे लक्ष्य गाठले. रिझवानने ५५ चेंडूत नाबाद ७९ धावा कुटल्या. तर बाबर आझमने ५२ चेंडूत नाबाद ६८ धावा करत त्याला सुयोग्य साथ दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.