अहमदाबाद वडोदरा द्रुतगती मार्गावर नडियादजवळ भीषण अपघात झाला आहे. यामध्ये 10 जणांचा मृत्यू झाला असून एका व्यक्तीची प्रकृती गंभीर आहे. मागून भरधाव वेगाने येणाऱ्या कारने टँकरला धडक दिल्याने हा अपघात झाला. ही कार वडोदराहून अहमदाबादला जात होती.

कारमधील सर्व 10 जणांचा मृत्यू झाल्याची माहिती पोलिसांनी दिली आहे. 8 जणांचा जागीच मृत्यू झाला तर दोघांचा रुग्णालयात नेत असताना मृत्यू झाला. Accident on Ahmedabad-Vadodara Expressway

अपघाताची माहिती मिळताच 108 च्या दोन रुग्णवाहिका घटनास्थळी दाखल झाल्या होत्या. याशिवाय एक्सप्रेस हायवे पेट्रोलिंग टीमही मदत आणि बचाव कार्यासाठी घटनास्थळी पोहोचली होती. अपघातामुळे एक्स्प्रेस हायवेवर मोठ्या प्रमाणात ट्रफिक जाम झालं आहे.

कसा झाला अपघात?

अहमदाबाद-वडोदरा एक्स्प्रेस वेवर बुधवारी हा अपघात झाल्याचे पोलीस अधिकाऱ्यांनी सांगितले. कार टँकरला मागून धडकली. ही धडक इतकी जोरदार होती की कारमधील 8 जणांचा जागीच मृत्यू झाला. तर दोघांचा रुग्णालयात नेतांना मृत्यू झाला. (accident News in Marathi)

नडियादजवळ ही घटना घडली. या अपघातामागचे कारण शोधले जात असल्याचे पोलिसांचे म्हणणे आहे. पोलिसांकडून सविस्तर माहिती लवकरच दिली जाईल.