नवी दिल्ली: एका पंक्तीमध्ये बसलेली व्यक्ती गुलाबजाम खात असून, संबंधित व्हिडिओ सोशल मीडियावर व्हायरल होत आहे. ताटभर घेतलेले गुलाबजाम एकामागोमाग एक खाल्यामुळे किती गुलाबजाम खाल्ले असावेत, असा प्रश्न नेटिझन्सला पडला आहे.

लग्नानंतर नवरीने 'असेच' रडायला हवे...

विवाह सोहळ्यादरम्यान अनेकदा गुलाबजाम हा गोड पदार्थ केला जातो. पण, एखादी व्यक्ती किती गुलाबजाम खाऊ शकते? दोन, चार, सहा. पण, एका व्यक्तीने ताटात अनेक गुलाबजाम घेतले असून, ते फस्त करताना दिसत आहेत. संबंधित घटना मोबाईलमध्ये कैद झाली असून, सोशल मीडियावर व्हायरल झाली आहे. कोरोनामुळे गेल्या काही महिन्यात लग्नसोहळ्यातलं जेवण खायला न मिळाल्याची कसर ही व्यक्ती एकाच दिवशी भरून काढते आहे. लग्नसोहळ्यातील इतर व्यक्तींची कसर ही व्यक्ती भरून काढते की काय? गुलाबजाम किती खाल्ले मोजा बरं? अरे बाबा! बस कर आता किती खाशील, अशा प्रतिक्रिया व्हिडिओ पाहिल्यानंतर नेटिझन्स नोंदवत आहेत.

व्हायरल झालेल्या व्हिडिओमध्ये पाहायला मिळते की, 'एका व्यक्तीच्या ताटातील निम्म्याहून अधिक भाग गुलाबजामनेच भरला आहे. ताटाच्या अगदी कोपऱ्यात थोडासा भात आणि आमटी आहे. तोंडात टाकलेला एक गुलाबजाम संपत नाही तोपर्यंत दुसरा गुलाबजाम खाते. काही मिनिटातच अनेक गुलाबजाम खाल्ले आहेत. पण, संबंधित व्हिडिओ कुठला आहे, कधीचा आहे याबाबतची माहिती उपलब्ध होऊ शकली नाही.'