समाजात घडणाऱ्या अनेक गुन्ह्यांचे मूळ शोधण्याचा प्रयत्न केला असता, त्यातील बहुतांश गुन्हे व्यसनाधीनतून झाल्याचे दिसून येते. अशीच एक धक्कादायक घटना उत्तर प्रदेशमध्ये घडली आहे. प्रयागराजमध्ये एका व्यसनाधीन व्यक्तीने आपल्या पत्नीची निघृण हत्या केल्याचे समोर आले आहे. दारु पिण्यावर आक्षेप घेतल्याच्या रागातून या व्यक्तीने टोकाचे पाउल उचलत आपल्या पत्नीची हत्या केली.
प्रयागराजमधील नाचणा गावात झालेल्या या घटनेत निरज मिश्रा नावाच्या व्यक्तीने आपल्या पत्नीवर काठीने हल्ला केला. रागाच्या भरात या व्यक्तीने आपल्या पत्नीवर काठीने एवढे वार केले की, या घटनेत सदरील महिलेचा मृत्यू झाला. हिंदुस्तान टाईम्सने दिलेल्या वृत्तानूसार हा प्रकार समजताच कौंधियारा पोलिसांनी या व्यक्तीला ताब्यात घेतले आहे.
संबंधित महिला पतीच्या दारुच्या व्यसनामुळे वैतागली होती. दारु का पितोस असा जाब तिने आपल्या पतीला विचारला. पत्नीच्या या प्रश्नाचा निरजला राग आला. त्याच रागाच्या भरात त्याने आपल्या पत्नीवर काठीने हल्ला करायला सुरुवात केले. या मारहाणीत जखमी झालेल्या पत्नीचा जागी मृत्यू झाला. पत्नीची हत्या केल्यानंतर शेजाऱ्यांना समजू नये म्हणून आरोपी निरज मिश्राने आपल्या ११ वर्षाच्या मुलीला रुममध्ये कोंडले. त्यानंतर काही वेळाने ती मुलगी बाहेर पडली आणि हा प्रकार उघडकीस आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.