नोएडा: कोरोना व्हायरसने जगाला वेढा घातल्यानंतर देशात लॉकडाऊनची घोषणा करण्यात आली. लॉकडाऊनमुळे अनेकजण घरामध्ये बसले असून, वेळ घालवताना दिसतात. एका मंदिरात खेळत असताना मित्र खोकला म्हणून त्याच्यावर दुसऱया मित्राने गोळी झाडल्याची घटना येथे घडली.
पोलिसांनी दिलेल्या माहितीनुसार, दयानगर पोलिस ठाण्याच्या हद्दीत येणाऱ्या जारचामधील सैंथली मंदिर परिसरात चार मित्र (जय, वीर उर्फ गुल्लू, प्रवेश आणि प्रशांत) लुडो खेळत होते. यावेळी प्रशांतला खोकला आला. त्यावेळी गुल्लू आणि इतर मित्रांचा प्रशांतसोबत वाद झाला. प्रशांत खोकून कोरोना पसरवत असल्याचे इतरजण म्हटले. यानंतर संतापलेल्या गुल्लूने त्याच्याकडे असलेल्या पिस्तुलातून प्रशांतवर गोळी झाडली. प्रशांतच्या मांडीला गोळी लागल्यामुळे तो गंभीर जखमी झाला. उपचारासाठी त्याला रुग्णालयात दाखल करण्यात आले असून, त्याची प्रकृती स्थिर आहे. या प्रकरणी गुन्हा दाखल करण्यात आला आहे.
दरम्यान, पंतप्रधान नरेंद्र मोदी यांनी 3 मे पर्यंत लॉकडाऊन वाढविल्याची घोषणा केली. देशातील कोरोनाबाधितांचा आकडा साडे अकरा हजारांपेक्षा जास्त असून, ३९६ जणांचा मृत्यू झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.