मुरादाबाद (उत्तर प्रदेश): एका युवतीचा तीन महिन्यांपूर्वी विवाह झाला होता. परंतु, अचानक नवऱयाचे घर सोडून ती प्रियकराच्या घरी आली आणि जीव गेला तरी चालेल पण प्रियकराला सोडणार नाही, असे म्हणत त्याच्या घराबाहेर बसल्याची घटना येथे घडली.
भोजपूर परिसरात राहणाऱया युवतीचे गावातील युवकासोबत प्रेमसंबंध होते. पंरतु, युवकाच्या कुटुंबाची आर्थिक परिस्थिती नाजूक होती. यामुळे युवतीचे दुसऱया गावातील युवकासोबत विवाह लावून देण्यात आला होता. विवाह मोठ्या धामधुमीत झाला. सासरी गेलेल्या युवतीचे तेथे मन रमत नव्हते.
नवविवाहितेने एक दिवस सासर सोडून थेट प्रियकराचे घर गाठले. प्रियकर कामानिमित्त बाहेर गेला होता. युवती प्रियकराच्या घराबाहेरच बसली. पुन्हा सासरी जायचे नसून, येथेच राहणार असल्याचे बोलू लागली. प्रियकराचे कुटुंबिय घाबरून गेले. त्यांनी प्रियकरासह तिच्या कुटुंबियांना याबाबतची माहिती दिली. काही वेळानंतर सर्वजण घटनास्थळी जमा झाले. सर्वांनी तिची समजूत काढली. पण, ती कोणाचेही ऐकायला तयार नव्हती. अखेर पोलिसांपर्यंत प्रकरण गेले. घटनास्थळी पोलिस दाखल झाले. जीव गेला तरी चालेल पण प्रियकराला सोडणार नाही, असे बोलू लागली.
युवतीच्या कुटुंबियांना तिला घरी नेले. युवतीने आत्महत्या करण्याची धमकी दिली. शिवाय, कुटुंबियांनी मारहाण केल्याची तक्रार पोलिसांकडे केली. पोलिस पुढील तपास करत आहेत. परंतु, संबंधित प्रेम प्रकरणाची चर्चा परिसरात रंगली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.