नवी दिल्ली : दिल्लीतील जवाहरलाल नेहरू विद्यापीठात (जेएनयू) झालेल्या हल्ल्यात दिल्ली विद्यापीठाची विद्यार्थिनी कोमल शर्मा हिचे नाव आल्यानंतर तिने राष्ट्रीय महिला आयोगाकडे धाव घेतली आहे. या प्रकरणात आपले नाव बदनाम करण्यात येत असल्याचेही तिने म्हटले आहे.
जेएनयुतील हल्ल्याचा तपास दिल्ली पोलिसांकडून सुरू आहे. या हल्ल्यात सहभागी असलेली कोमल शर्मा ही अखिल भारतीय विद्यार्थी परिषदेशी (एबीव्हिपी) संबंधित असल्याचेही सांगण्यात येत आहे. काही माध्यमे आणि दिल्ली पोलिसही माझे नाव घेऊन बदनामी करत असल्याची तक्रार तिने महिला आयोगाकडे केली आहे.
जेएनयूमध्ये 5 जानेवारीला तोंड बांधून आलेल्या तरुणांच्या टोळीने हल्ला केला होता. या हल्ल्याचे देशभरात पडसाद उमटल्यानंतर दिल्ली पोलिसांकडून तपास सुरु आहे. या हल्ल्यात चेक्सचा शर्ट घालून हल्ला करणाऱ्या मुलीची ओळख पटल्याचा दावा करण्यात येत आहे. ती दिल्ली विद्यापीठाच्या दौलतराम महाविद्यालयातील विद्यार्थिनी असल्याचे माध्यमांनी म्हटले आहे.
जेएनयू हल्लाप्रकरणी नोटीस बजावलेल्या कोमल शर्मा या तरुणीनं राष्ट्रीय महिला आयोगाकडे धाव घेतली आहे. आपल्या नावाची बदनामी करण्यात आल्याची तक्रार तिने आयोगाकडे केली आहे. या प्रकरणी राष्ट्रीय महिला आयोगानं दिल्ली पोलिसांसह माध्यमांना यात लक्ष देण्यासाठी पत्र पाठवले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.