घटस्फोट प्रकरणात मद्रास हायकोर्टाने दिलेल्या एका निर्णय़ावरुन सोशल मीडिया टीकेचा मोठा आगडोंब उसळला होता. पत्नीने मंगळसूत्र काढून टाकणं ही सर्वोच्च मानसिक क्रूरता आहे, असं निरीक्षण मद्रास हायकोर्टाने नोंदवल्याचं व्हायरल होतं होतं. मात्र, आता न्यायालयाने या सर्व टीकेला प्रत्युत्तर देत या प्रकरणाविषयी स्पष्टीकरण दिलं आहे. (Madras High Court Report)

मद्रास हायकोर्टाने (Madras High Court) याबद्दल स्पष्टीकरण दिलं आहे. असा कोणताही अहवाल देण्यात आलेला नाही. ही माहिती चुकीची आणि अतिशयोक्ती करुन लिहिलेली आहे. उच्च न्यायालयाने याच्या अगदी उलट माहिती दिलेली आहे. मानसिक क्रूरता ही मंगळसूत्र काढल्याने सिद्ध होत नाही.

एका घटस्फोट प्रकरणात न्यायालयाने हा निकाल दिला होता. एका व्यक्तीच्या घटास्फोटाची याचिकेवर निकाल दिला आहे. या व्यक्तीच्या पत्नीने त्याच्या चारित्र्यावर गंभीर आरोप केले, तसंच त्याचे विवाहबाह्य संबंध असल्याचा आरोपही केला. तसंच पत्नीने आपल्या पतीविरोधात खोटी पोलीस केसही केली होती. या सगळ्याला न्यायालयाने मानसिक क्रूरता म्हटलं आहे. मात्र मंगळसूत्र काढण्याला मानसिक क्रूरता म्हटलं, अशा अर्थाने हा निकाल चुकीच्या पद्धतीने सगळीकडे व्हायरल करण्यात आला.