एका ५६ वर्षीय मनोरुग्ण महिलेवर बलात्कार (Chhatisgarh Woman Physical Abused) झाल्याची संतापजनक घटना समोर आली आहे. नराधमाने तिच्यावर फक्त बलात्कारच केला नाहीतर तिच्या गुप्तांगामध्ये लोखंडी रॉड टाकला. तसेच मृत्यूनंतर अपघाताचा बनाव करण्यासाठी तिचा मृतदेह चिरडण्यात आला. छत्तीसगडमधील जॉजगीर चंपा जिल्ह्यात ही घटना घडली आहे.

छत्तीसगडमधील दाभ्रा पोलिस ठाण्याच्या हद्दीत एक मनोरुग्ण महिला राहत होती. तिच्या वडिलांचे आठ वर्षांपूर्वी निधन झाले. तसेच दोन वर्षांपूर्वी आईचा देखील मृत्यू झाला. तिच्या वडिलांसोबत काम करणारी एक सेवानिवृत्त महिला तिला जेवण देत होती. ही मनोरुग्ण महिला रात्री जेवण करून फूटपाथवर झोपली होती. त्यावेळी किशन यादव नावाच्या एका ३१ वर्षीय नराधमाने तिच्यावर बळजबरीने बलात्कार केला. त्यानंतर तिचे केस ओढून तिला जवळच्या बगीच्यामध्ये नेले. तिथे देखील तिच्यावर बलात्कार केला. पीडितेने विरोध केला असता तिच्या डोळ्यावर लाथ मारली. त्यानंतर तिच्या गुप्तांगामध्ये लोखंडी रॉड टाकला. यामध्ये महिलेचा मृत्यू झाला. त्यानंतर नराधमाच्या मनाला शांतात मिळाली नाही. त्याने अपघाताचा बनाव करण्यासाठी तिचा मृतदेह गाडीने चिरडला.

गेल्या ५ एप्रिलला महिलेचा मृतदेह आढळून आला होता. पण, हा अपघात असावा असे पोलिसांना वाटले. त्यानंतर त्यांनी तपास केला आणि मृतदेह शवविच्छेदनासाठी पाठवला होता. त्यानुसार महिलेवर बलात्कार झाल्याचे समोर आले. तसेच पोलिसांनी परिसरातील सीसीटीव्ही फुटेजवरून आरोपीला अटक करण्यात आली. ही सर्व घटना सीसीटीव्हीमध्ये कैद झाली असून पुढील कारवाई सुरू आहे, असं पोलिस अधिकारी अभिषेक पल्लव म्हणाले.