गुजरातमधील जामनगरमध्ये सध्या एकाच गोष्टीची चर्चा आहे, ती म्हणजे अनंत अंबानी (Anant Ambani) आणि राधिका मर्चंट (Radhika Marchant) यांच्या प्री वेडिंग सोहळ्याची. या सोहळ्यासाठी जगभरातील हॉलीवूड, बॉलीवूडसह अनेक दिग्गजांची उपस्थिती आहे. या सोहळ्यातील अनेक व्हिडिओज् सध्या सोशल मीडियावर व्हायरल होत आहेत.

असाच एक व्हिडिओ सध्या सोशल मीडियावर सगळ्यांचं लक्ष वेधून घेतोय. तो म्हणजे मुकेश अंबानी आणि नीता अंबानी यांचा. या व्हायरल व्हिडीओमध्ये मुकेश अंबानी कोणत्या डॉनला घाबरतात ते त्यांनी स्वतःच सांगितलं आहे. याचा एक मजेदार व्हिडिओ सध्या सोशल मिडीयावर धुमाकूळ घालत आहे.

मुकेश अंबानी आणि नीता अंबानी यांनी जामनगरमध्ये मुलगा अनंत अंबानीच्या लग्नाआधीच्या सोहळ्यात त्यांच्या एका स्किटने पाहुण्यांना खूश केले. पॉवर कपलने केवळ डान्सच नाही केला तर संपूर्ण बॉलीवूड शैलीत एक मजेदार स्किट देखील केले आहे.

व्हायरल झालेल्या या व्हिडिओमध्ये मुकेश अंबानी एका डॉन सारखे डॅशिंग लुकमध्ये दिसत आहेत. ते सनग्लासेससह आयकॉनिक 'डॉन' व्यक्तिरेखा साकारत असल्याचे दिसून येते. कथानक एक मनोरंजक वळण घेते जेव्हा नीता अंबानी एंट्री करतात, त्या म्हणतात मुकेश आपल्याला अनंतच्या संगीतच्या कार्यक्रमाला उशीर होतो आहे. त्यावेळी मुकेश अंबानी म्हणतात येस बॉस, माझ्या आयुष्याच एकच डॉन होती, आहे आणि राहिल.

हा व्हिडीओ सध्या सोशल मिडीयावर धुमाकूळ घालत आहे, या पावर कपलचे हे मजेदार स्किट सर्वांना आवडले असून त्याला जमलेले दिग्गज दाद देताना दिसत आहेत.