कोलकाता - पश्चिम बंगालमधील विधानसभा निवडणुकीत नंदीग्राम मतदारसंघात झालेल्या पराभवाविरोधात ममता बॅनर्जींनी कोलकाता हायकोर्टात धाव घेतली आहे. नंदीग्राममधील निकालाला ममता बॅनर्जींनी आव्हान दिले असून या याचिकेवर गुरुवारी (२४ जून) सुनावणी होणार आहे.

कोलकाता हायकोर्टात शुक्रवारी ममता बॅनर्जी यांच्या याचिकेवर सुनावणी झाली. मुख्यमंत्री ममता बॅनर्जी यांच्यावतीने सौमेंद्रनाथ मुखर्जी यांनी हायकोर्टात बाजू मांडली. न्यायाधीश चंदा यांच्यासमोर या याचिकेची सुनावणी झाली. हायकोर्टात सुनावणीला सुरूवात होताच ममता बॅनर्जी यांच्या वकिलांनी पुढील तारीख देण्याची विनंती न्यायालयाला केली. न्यायालयाने विनंती मान्य करत गुरुवारची तारीख दिली.

पश्चिम बंगालमधील निवडणुकीत तृणमूल काँग्रेसने सलग तिसऱ्यांदा विजय मिळवला. भाजपचे उमेदवार सुवेंदू अधिकारी यांनी ममता बॅनर्जींचा १, ९५६ मतांनी पराभव केला होता. तीन दशकात पहिल्यांदाच ममता बॅनर्जींना पराभवाचा सामना करावा लागला.

ममता बॅनर्जी यांनी ३ मे रोजी निकालानंतर पत्रकार परिषद घेत मतमोजणीबाबत आक्षेप घेतला होता. आम्ही या निर्णयाविरोधात हायकोर्टात याचिका दाखल करू, असे त्यांनी म्हटले होते. यानुसार ममता बॅनर्जी यांच्या वतीने कोलकाता हायकोर्टात याचिका दाखल करण्यात आली. या याचिकेत मतमोजणी योग्यपद्धतीने करण्यात आली नाही, असा आरोप ममता बॅनर्जींनी केला