नवी दिल्ली - अयोध्येत रामंदिराच्या उभारणीला अखेर मुहुर्त मिळाला आहे. राममंदिराच्या भूमिपूजनासाठी पंतप्रधान नरेंद्र मोदी पाच ऑगस्टला अयोध्येत येणार असल्याचे श्रीराम जन्मभूमी तीर्थक्षेत्र विश्‍वस्त मंडळाने सांगितले आहे. याच मंडळाच्या देखरेखीखाली मंदिराची उभारणी होणार आहे.
ताज्या बातम्यांसाठी डाऊनलोड करा ई-सकाळचे ऍप
सर्वोच्च न्यायालयात अयोध्येतील रामजन्मभूमीचा वाद सुटल्यानंतर मंदिराच्या उभारणीचे वेध लागले होते. कोरोना विषाणूमुळे हे काम लांबणीवर पडले होते. अद्यापही संसर्गाचे सावट असले तरी आता फार उशीर न करता आणि सुरक्षेचे, सामाजिक अंतराचे सर्व नियम पाळून मंदिर उभारणी सुरु केली जाणार असल्याचे सूत्रांनी सांगितले. ‘पंतप्रधान नरेंद्र मोदी हे पाच ऑगस्टला अयोध्येत येणार असल्याचे आम्हाला समजले आहे. सुरक्षेच्या कारणास्तव ही बातमी आधी जाहीर करण्यात आली नव्हती,’ असे विश्‍वस्त मंडळातील एका ज्येष्ठ सदस्याने सांगितले. भूमिपूजनानंतर मंदिर उभारणीचे काम अधिकृतरित्या सुरु होईल. हे काम २०२४ पर्यंत पूर्ण करण्याचे उद्दीष्ट मंडळाने समोर ठेवले आहे. केंद्र सरकारने गेल्या वर्षी जम्मू-काश्‍मीरला विशेष दर्जा देणारे ३७० वे कलम रद्द केले होते. ती तारीखही पाच ऑगस्ट हीच होती.
विश्‍वस्त मंडळाची शनिवारी (ता. १८) अयोध्येत बैठक झाली. यामध्ये बांधकाम सुरु करण्याच्या तारखेबाबत चर्चा झाली. तीन आणि पाच ऑगस्ट या तारखांवर एकमत झाले होते. मात्र, पंतप्रधानांना तीन ऑगस्टला पूर्वनियोजित कार्यक्रम असल्याने पाच ऑगस्ट ही तारीख अंतिम करण्यात आली, असे मंडळातील एका सदस्याने सांगितले.
पुण्याच्या बातम्या वाचण्यासाठी येथे ► क्लिक करा
रचनेत बदल करणार
विश्‍वस्त मंडळाच्या बैठकीत मंदिराच्या आराखड्यात काही बदल करण्याचा निर्णयही घेतला गेल्याचे समजते. मंदिराची प्रस्तावित रचना तशीच ठेवली जाणार आहे, मात्र हे जगभरातील रामभक्तांचा आणि पर्यटकांचा आकर्षणबिंदू ठरणार असल्याने त्याचा थोडा विस्तार करणार असल्याचे सदस्यांनी सांगितले. पूर्वीच्या नियोजनानुसार असलेला मंदिराचा विस्तार २७ लाख चौरस मीटरवरून तो ५७,२४२ चौरस मीटर केला जाणार आहे. तसेच, मंदिराची उंचीही १४८ फुटांवरून १६१ फूट केली जाणार आहे.
संसर्गामुळे सुरक्षेचे नियम पाळणार
विश्‍वस्त मंडळाचे अध्यक्ष महंत नृत्यगोपाल दास यांनी पंतप्रधान नरेंद्र मोदींना दोन जुलैला पत्र लिहून भूमिपूजनाला येण्याची विनंती केली होती. कोरोना संसर्गाच्या पार्श्वभूमीवर मंदिर परिसरात गर्दी होणार नाही आणि प्रशासनाच्या सुरक्षिततेबाबतच्या सर्व सूचना पाळून कार्यक्रम केला जाईल, असे आश्‍वासन त्यांनी पत्रात दिले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.