दिल्ली : 'गरीबी हटाओ' या घोषणेमुळे काँग्रेसने अनेक निवडणुका जिंकल्या पण त्यात त्यांना अपयश आले. एवढ्या निवडणुका हरल्यानंतर काँग्रेसच्या (Congress) अहंकारात कोणताही बदल झालेला नाही असा निशाणा पंतप्रधान नरेंद्र मोदी (Narendra Modi)यांनी काँग्रेसला लगावला. ते संसदेच्या सभागृहात बोलत होते.

नरेंद्र मोदी म्हणाले, काँग्रेसने जेव्हा 'गरीबी हटाओ'चा नारा लगावला होता तेव्हा देशातील गरीब जनतेने त्यांना मतदान केले. त्या आधारवर ते निवडून आले. मात्र त्यात त्यांना यश आले नाही. कोरियन युद्धामुळे तसेच अमेरिकेतील अशांततेमुळे महागाई वाढली असे पंडित नेहरू (Jawaharlal Nehru) म्हणाले होते असेही मोदी म्हणाले.

काँग्रेसवर टिका करताना मोदी म्हणाले, ज्यांनी देशावर एवढी वर्षे राज्य केले,जे राजेशाही थाटात राहिले त्यांनी छोट्या शेतकर्‍यांचा कधी विचार केला नाही, कधीही शेतकरी हिताची चर्चा केली नाही. भारताच्या प्रगतीसाठी, गरिबीतून मुक्ती मिळवण्यासाठी लहान शेतकऱ्यांना सक्षम करणे गरजेचे आहे. हेच शेतकरी देशाच्या प्रगतीला बळ देतील. छोटा शेतकरी सक्षम बनला तर छोट्या जमिनीचे आधुनिकीकरण करण्याचा प्रयत्न तो नक्कीच करेल.