हर घर तिरंगा कार्यक्रमाच्या प्रचारासाठी खासदारांची मोटारसायकल रॅली काढण्यात येणार आहे. 3 ऑगस्ट रोजी लाल किल्ला ते विजय चौक अशी ही रॅली काढण्यात येणार आहे. भाजपच्या सर्व खासदारांना रॅलीत सहभागी होण्यास सांगण्यात आले आहे. सकाळी 8.30 वाजता उपराष्ट्रपती एम व्यंकय्या नायडू बाइक रॅलीला हिरवा झेंडा दाखवतील.

13-15 ऑगस्टपर्यंत देशात प्रत्येक घरात तिरंगा फडकवण्याचा कार्यक्रम आयोजित करण्याची योजना आहे. या काळात वीस कोटींच्या घरात तिरंगा फडकवला जाईल, असे नियोजन आहे.

दरम्यान, केंद्रीय गृहमंत्री अमित शहा यांनी रविवारी लोकांना आवाहन केले की, त्यांनी 2 ऑगस्ट ते 15 ऑगस्ट दरम्यान त्यांच्या सोशल मीडिया अकाऊंटवर 'प्रोफाइल' पिक्चर म्हणून तिरंगा ठेवण्यासाठी सर्वांना प्रेरित करावे. त्याचबरोबर त्यांनी 'हर घर तिरंगा' मोहिमेत सहभागी होण्याचेही आवाहन केले आहे.