नवी दिल्ली : नौदलात महिला खलाशींची प्रथमच अग्निपथ योजनेत या वर्षी भरती केली जाणार आहे. यौद्धनौकांवर त्यांना तैनात करण्याचा मार्ग मोकळा झाला आहे. यंदा तीन हजार महिलांची नौदल (Indian Navy) अग्निवीर म्हणून भरती केली जाईल. पहिली तुकडी ही १०-२० टक्क्यांची राहिल. त्यांचे प्रशिक्षण ओडिशातील (Odisha) आयएनएस चिल्का येथील आस्थापनेत २१ नोव्हेंबरपासून सुरु होईल. (Navy Will Recruit Women Under Agnipath Scheme)

नौदलात अग्निपथ योजनेबाबत (Agnipath Scheme) भेदभाव नसेल. जसे आम्ही बोललो, ३० महिला अधिकारी या सध्या युद्धनौकांवर तैनात आहेत. आम्ही ठरवले आहे, आता वेळ आली की महिला खलाशींची भरती करणे, सर्व विभागात महिला असतील, असे व्हाईस अॅडमिरल दिनेश के त्रिपाठी रविवारी म्हणाले. १४ लाखांच्या लष्करी सैन्यात महिलांचा १९९० वर्षापासून समावेश होऊ लागला. मात्र २०१९-२० मध्ये त्या अधिकारी होत्या. ७० हजार अधिकाऱ्यांच्या केडरमध्ये महिलांची संख्या केवळ तीन हजार ९०४ (लष्कारात १,७०५, वायुदलात १,६४० आणि नौदलात ५५९) होती.

या व्यतिरिक्त ९ हजार अधिकाऱ्यांची संख्या कमी आहे. सध्या १०० महिला जवान लष्करात (CMP) आहेत. २०१९-२० मध्ये पहिल्यांदाच 'अदर रँक्स' अंतर्गत महिलांची भरती सुरु झाली. १९९ पेक्षा अधिक सीएमपी महिलांची गेल्या दोन वर्षांमध्ये भरती करण्यात आली.