नवी दिल्ली : राष्ट्रवादी काँग्रेसचे ज्येष्ठ नेते व माजी खासदार डी. पी. त्रिपाठी यांचे आज (गुरुवार) दीर्घ आजारपणाने निधन झाले. 

ताज्या बातम्यांसाठी डाऊनलोड करा ई-सकाळचे ऍप

दिल्लीतील एका खासगी रुग्णालयात त्यांनी अखेरचा श्वास घेतला. गेल्या अनेक दिवसांपासून ते आजारपणाशी झुंज देत होते. त्रिपाठी हे सध्या राष्ट्रवादी काँग्रेसमध्ये महासचिव पदाची जबाबदारी सांभाळत होते. गेल्यावर्षीच त्यांचा राज्यसभेतील कार्यकाळ संपला होता. आणीबाणीच्या काळात ते कारागृहात राहिले होते. 1968 मध्ये राजकारणात प्रवेश केलेल्या त्रिपाठी यांची एक उत्तम वक्ते म्हणून ओळख होती.

राष्ट्रवादीचे प्रमुख नेते प्रफुल्ल पटेल यांनी त्यांच्या निधनानंतर शोक व्यक्त केला आहे. पटेल म्हणाले, की डीपी त्रिपाठी यांच्या निधनाने मोठा धक्का बसला आहे. त्यांना आम्ही कधीच विसरू शकत नाही. ईश्वर त्यांच्या आत्म्यास शांती देवो. 

त्रिपाठींचे अखेरचे भाषण चर्चेत
त्रिपाठी यांनी राज्यसभेचा कार्यकाळ संपताना केलेले भाषण सर्वांच्या लक्षात आहे. त्यांनी सेक्स या विषयावर संसदेत चर्चा होणे गरजेचे असल्याचे म्हटले होते. सेक्ससंबंधी आजारातून अनेक जणांना आपला जीव गमवावा लागतो, पण यावर कधीच चर्चा होत नाही. कामसूत्र सारखे पुस्तक लिहिलेल्या देशात सेक्स विषयावर चर्चाही होत नाही.