नवी दिल्ली : सातारा लोकसभा पोटनिवडणुकीत भाजप उमेदवार उदयनराजे भोसले यांचा पराभव करणारे राष्ट्रवादी काँग्रेसचे खासदार श्रीनिवास पाटील यांनी आज (सोमवार) लोकसभेत शपथ घेतली.
लोकसभेत राष्ट्रवादी काँग्रेसचे चार खासदार होते. उदयनराजेंनी भाजपमध्ये प्रवेश केल्याने ती संख्या तीनवर आली होती. साताऱ्यात महाराष्ट्रातील विधानसभा निवडणुकीबरोबर लोकसभेची पोटनिवडणूक घेण्यात आली होती. या निवडणुकीत श्रीनिवास पाटलांनी उदयनराजेंचा सुमारे लाखभराच्या मतांनी पराभव केला होता. राष्ट्रवादी काँग्रेसचे अध्यक्ष शरद पवार यांनी श्रीनिवास पाटलांसाठी भर पावसात घेतलेली सभा अजूनही सर्वांच्या लक्षात आहे.
श्रीनिवास पाटील यांनी ट्विट करत म्हटले आहे, की संसदेच्या हिवाळी अधिवेशनात लोकसभेच्या सदस्यत्वाची शपथ ग्रहण केली. यापूर्वी दोन वेळा मी या सभागृहाचा सदस्य होतो. तिसऱ्यांदा सभागृहात येताना माझ्याकडून जनतेच्या असणाऱ्या अपेक्षांची मला जाणीव आहे. आपला विश्वास सार्थ ठरविण्यासाठी मी सदैव कार्यरत राहीन. आपणा सर्वांचे पुन्हा एकदा आभार.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.