2022 या नव्या वर्षाला आजपासून सुरुवात झाली. प्रत्येकानं आपापल्या पद्धतीने नववर्षाचं स्वागत केलं. सर्वत्र नवीन वर्षाच्या शुभेच्छांचा पाऊस पडत असताना इंडियन आर्मीच्या (Indian Army) काही जवानांनी अनोख्या पद्धतीने देशवासीयांना शुभेच्छा (New Year Wishes) दिल्या आहेत. या वीर जवानांनी केलेल्या अनोख्या नववर्ष स्वागताचा व्हिडीओ व्हायरल झाला आहे.हा व्हिडीओ (Video)पाहून तमाम भारतीयांची छाती अभिमानाने फुलून आली नाही तरच नवल! जम्मू काश्मीरमधील (Jammu and Kashmir) कुपवाडा जिल्ह्यातील (Kupvada) लाईन ऑफ कंट्रोलजवळील (LOC) बर्फाने आच्छादलेल्या पर्वतावर इंडियन आर्मीच्या या वीर जवानांनी हे अनोखं सेलिब्रेशन केलं आहे.
व्हिडीओमध्ये दिसतंय की, इंडियन आर्मीचे काही वीर जवान आपल्या रायफल्ससह बर्फाने आच्छादलेल्या पर्वतावरून चालत येत आहेत. त्यांच्या हातात तिरंगा ध्वज (Tiranga Flag) आहे. प्रत्येक पावलागणिक त्यांचे पाय फुटभर खोल रोवत आहेत. परंतु तरीही ते चालत एका ठिकाणी येतात. एक जवान आपल्या हातातील तिरंगा मोठ्या ऐटीत तेथील जमिनीत रोवतो. त्यानंतर एक जवान भारतीयांना नववर्षाच्या शुभेच्छा देताना म्हणतो की, 'इंडीयन आर्मीकडून समस्त देशवासीयांना हार्दिक शुभेच्छा...'
पुढच्याच क्षणी जवानांच्या 'भारत माता की जय' (Bharat Mata ki Jay) या घोषणेनं परिसर दुमदमून निघाला. पांढऱ्याशुभ्र बर्फाच्या सानिध्यातील मानाने फडकणाऱ्या तिरंग्याच्या साक्षीने इंडियन आर्मीच्या जवानांच्या या अनोख्या नववर्षाच्या शुभेच्छांनी निश्चितच सर्व भारतीयांच्या छाती अभिमानाने फुलल्याशिवाय राहणार नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.