नवी दिल्लीः सात हजार कोटींचा पीएनबी घोटाळा करुन पसार झालेल्या निरव मोदीच्या अडचणींमध्ये वाढ होणार आहे. आज सर्वोच्च न्यायालयाने यासंदर्भात एक महत्त्वपूर्ण निर्णय दिला.
भारताकडे प्रत्यापर्णासंदर्भात ब्रिटनच्या सर्वोच्च न्यायालयात खटला सुरु आहे. मात्र न्यायालयाने मोदीला जोरदार झटका दिला असून त्याचं अपिल कोर्टाने फेटाळलं आहे. त्यामुळे त्याला भारतात आणण्याचा मार्ग मोकळा झाला आहे.
प्रत्यापर्णाविरुद्धचं नीरव मोदीचं शेवटचं अपिल युके सुप्रीम कोर्टाने फेटाळलं आहे.
मागच्या वर्षी फेब्रुवारी महिन्यात नीरव मोदीला भारताकडे प्रत्यार्पण करण्याचा निर्णय कोर्टाने दिला होता. या निर्णयाविरोधात नीरव मोदीने ब्रिटनच्या सर्वोच्च न्यायालयात धाव घेतलेली. मागील दिवसांपासून नीरव मोदीला भारतात आणण्याचे सरकारचे प्रयत्न सुरु आहेत. तो ब्रिटनच्या जेलमध्ये असून प्रत्यार्पण रोखण्यासाठी प्रयत्न करीत आहे.
विशेष पीएमएलए कोर्टाने डिसेंबर 2019 मध्ये आर्थिक फसवणूक कायदा 2018 नुसार नीरव मोदीला फरारी म्हणून घोषित केले होते. नीरव मोदीवर PNB मधून सुमारे 7000 कोटी रुपयांचा घोटाळा केल्याचा आरोप आहे. हा घोटाळा उघडकीस आल्यानंतर मोदीने भारताततून परदेशात पलायन केले होते. मोदी सध्या लंडनमधील तुरुंगात असून, त्याला भारतात परत आणण्यासाठी भारत सरकार सर्वतोपरी प्रयत्न करत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.