रशिया युक्रेन युद्धामुळे अनेक युक्रेनमधील अनेक विद्यार्थ्यांचे नुकसान झाले आहेत. युक्रेनहुन मेडीकलचे विद्यार्थी तेथील भयावह परीस्थितीला बघुन आपलं शिक्षण मागे सोडत मायदेशी परत येत आहे. यावर राष्ट्रीय वैद्यकीय आयोगाने (National Medical Commission) या विद्यार्थ्यांना त्यांची अपूर्ण राहिलेली इंटर्नशीप (Internship) भारतात पूर्ण करण्याची मान्यता दिली आहे. यामुळे या विद्यार्थ्यांना मोठा दिलासा मिळालाय.

India's Medical Regulatory Body कडून देण्यात आलेल्या माहितीनुसार यासाठी त्यांना एक स्क्रिनिंग टेस्ट द्यावी लागणार आहे. या निर्णयाचा फायदा युक्रेनमधील शेकडो भारतीय वैद्यकीय विद्यार्थ्यांना होणार आहे. याबाबतचा निर्णय कोरोनाच्या परिस्थितीमुळे आपलं शिक्षण मागे सोडत देशात परत येणाऱ्या विद्यार्थ्यांसाठी विचाराधीन होता मात्र आता योगायोगाने तो युक्रेन-रशिया युद्ध परिस्थितीमुळे त्या विद्यार्थ्यांनाही लागु झाला. त्यामुळे कोरोना आणि युद्धामुळे शिक्षण माघारी सोडत देशात परत येणाऱ्या विद्यार्थ्यांना आता अपूर्ण राहिलेले शिक्षण पुर्ण करता येणार.