NOTA Votes | गेल्या 5 वर्षांत तब्बल 1.29 कोटी लोकांची मतं 'नोटा'ला
गेल्या पाच वर्षांत झालेल्या विधानसभा आणि लोकसभा निवडणुकीत सुमारे 1.29 लोकांनी नोटा हा कोणत्याही पक्षापेक्षा चांगला पर्याय असल्याचे मानले आहे. निवडणूक अधिकार मंडळ एडीआरने गुरुवारी ही माहिती दिली. असोसिएशन फॉर डेमोक्रॅटिक रिफॉर्म्स (ADR) आणि नॅशनल इलेक्शन वॉच (NEW) यांनी 2018 ते 2022 दरम्यान झालेल्या विविध निवडणुकांमध्ये NOTA (वरीलपैकी एकही नाही) या पर्यायाला मिळालेल्या मतांचे विश्लेषण केले आहे.
या रिपोर्टनुसार, राज्य विधानसभा निवडणुकीत NOTA ला सरासरी 64,53,652 मते (64.53 लाख) मिळाली आहेत. एकूण, NOTA ला 65,23,975 (1.06 टक्के) मते मिळाली, असे अहवालात म्हटले आहे. लोकसभा निवडणुकीतील NOTA मतांपैकी सर्वाधिक म्हणजे 51,660 मते बिहारच्या गोपालगंज (SC) मतदारसंघात होती, तर सर्वात कमी NOTA मते म्हणजे 100 लक्षद्वीपमध्ये होती.
तर 2020 मध्ये राज्य विधानसभा निवडणुकीत सर्वाधिक लोकांनी NOTA हा पर्याय निवडला. 2020 मध्ये, बिहारमध्ये 7,06,252 इतकी NOTA मते पडली. तर NCT दिल्लीला 43,108 मते NOTA मते मिळाली. NOTA ने 2022 मध्ये सर्वात कमी मतांची टक्केवारी गाठली आहे. म्हणजेच गोव्यासह पाच राज्यांच्या विधानसभा निवडणुकीत सर्वात कमी लोकांनी NOTA हा पर्याय निवडला. गोव्यात 10,629, मणिपूरमध्ये 10,349 मते, पंजाबमध्ये 1,10,308 मते, उत्तर प्रदेशात 6,37,304 आणि उत्तराखंडमध्ये 46,840 मते पडली.
NOTA ने राज्य विधानसभा निवडणुकीत, 2019 मध्ये महाराष्ट्रात सर्वाधिक (7,42,134) मते मिळवली आणि मिझोरम विधानसभा निवडणुकीत, 2018 मध्ये सर्वात कमी NOTA मते (2,917) मिळवली. NOTA ने छत्तीसगड राज्य विधानसभेत 2018 मध्ये सर्वाधिक म्हणजे 1.98 टक्के मते मिळवली. तर, दिल्ली राज्य विधानसभा निवडणुका, 2020 आणि मिझोराम राज्य विधानसभा निवडणुका, 2018 या दोन्हींमध्ये मतांच्या वाटा सर्वात कमी टक्केवारी म्हणजेच 0.46 टक्के गाठली.
मतदारसंघनिहाय, NOTA ला महाराष्ट्रातील लातूर ग्रामीण मतदारसंघात 27,500 आणि अरुणाचल प्रदेशातील तळी मतदारसंघात नऊ मते मिळाली आहेत. अरुणाचल प्रदेशातील दिरांग, अलॉन्ग ईस्ट, याचुली आणि उत्तर अंगामी या नागालँडमधील काही मतदारसंघांमध्ये उमेदवाराला प्रतिस्पर्धी उमेदवार नव्हता, त्यामुळे NOTA ला मते मिळाली नाहीत.
ADR ने सांगितले की, रेड अलर्ट मतदारसंघांमध्ये निवडणूक लढवणारे तीन किंवा अधिक उमेदवार हे गुन्हेगारी पार्श्नभूमी असलेले आहेत, NOTA ने 2018 पासून राज्य विधानसभा निवडणुकीत 26,77,616 मते (26.77 लाख) मिळवली आहेत. बिहारमधील 217 रेड अलर्ट मतदारसंघांमध्ये NOTA ला सर्वाधिक म्हणजे 1.63 टक्के (6,11,122) मते मिळाली आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.