ऑकलंड - न्यूझीलंडमध्ये नुकत्याच झालेल्या निवडणुकीत विजयी झालेले भारतीय वंशाचे डॉक्टर गौरव शर्मा (वय ३३) यांनी आज येथील संसदेत संस्कृतमध्ये शपथ घेतली. शर्मा हे न्यूझीलंडच्या सर्वांत युवा खासदारांपैकी एक आहेत. शर्मा यांनी पश्‍चिम हॅमिल्टन येथून मजूर पक्षातर्फे निवडणूक लढवित विजय मिळविला आहे.
- पुण्याच्या बातम्या वाचण्यासाठी येथे ► क्लिक करा
डॉ. गौरव शर्मा हे मूळ हिमाचल प्रदेशातील हमीरपूर येथील रहिवासी आहेत. निवडून आल्यावर त्यांनी आज संसदेत प्रथम न्यूझीलंडच्या स्थानिक माओरी भाषेतून आणि नंतर संस्कृतमधून शपथ घेतली. शर्मा यांनी न्यूझीलंड आणि भारत या दोन्ही देशांच्या भाषिक परंपरेचा मान राखल्याबद्दल त्यांचे कौतुक होत आहे. ‘तुम्ही हिंदीतून शपथ का नाही घेतली’ असा प्रश्‍न त्यांना ट्वीटरवर एकाने विचारला असता, त्यांनी ‘सर्वांनाच खूश ठेवणे अवघड असते. त्यामुळे भारतातील बहुतेक सर्व भाषांची जननी मानल्या जाणाऱ्या संस्कृतमधून शपथ घेतली,’ असे उत्तर शर्मा यांनी दिले.
शर्मा यांनी ऑकलंड येथून एमबीबीएस केले असून वॉशिंग्टन येथून एमबीए केले आहे. ते सध्या हॅमिल्टनमध्ये प्रॅक्टिस करतात. त्यांनी न्यूझीलंडसह, स्पेन, अमेरिका, व्हीएतनाम, मंगोलिया, स्वित्झर्लंड आणि भारतात सार्वजनिक आरोग्य, आरोग्य धोरण, औषधे या बाबत सल्ला देण्याचे काम केले आहे. त्यांनी २०१७ मध्येही निवडणूक लढविली होती. मात्र त्यावेळी ते अपयशी ठरले होते.
न्यूझीलंडच्या पंतप्रधान जेसिंडा अर्डर्न यांच्या मंत्रिमंडळात प्रियांका राधाकृष्णन या भारतीय वंशाच्या महिलेचा समावेश आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.