दिल्ली : दिल्लीत आज राष्ट्रीय ओबीसी महासंघाची सभा पार पडली. ओबीसींच्या हक्काचं संरक्षण आमचं सरकार करेल तसेच ओबीसींच्या हिताचे निर्णय आम्ही घेऊ अशी ग्वाही राज्याचे उपमुख्यमंत्री देवेंद्र फडणवीस यांनी दिली आहे. दरम्यान, ओबीसींच्या हितासाठी राजकीय आरक्षण मिळवून देण्यासाठी आमच्या सरकारने प्रयत्न केला असल्याचं फडणवीसांनी बोलताना सांगितलं.

(Devendra Fadnavis on OBC Reservation)

आमच्या सरकारच्या काळात २०१४ पासून २०१९ पर्यंत आम्ही ओबीसींच्या हिताचे २२ निर्णय घेतले असं उपमुख्यमंत्री बोलताना म्हणाले आहेत. तर सध्या राज्यात असलेलं सरकार ओबीसींच्या हिताचं निर्णय घेणार असल्याचं त्यांनी सांगितलं. मी नागपूर मध्ये बोललो होतो की, आमचे सरकार आले तर आम्ही ओबीसी आरक्षण मिळवून देऊ नाहीतर मी राजकारणातून संन्यास घेईल. पण आता आमच्या सरकारने ते आश्वासन केलं आहे असंही ते म्हणाले आहेत.

सध्या राज्यात असलेलं शिंदे यांच्या नेतृत्वाखालील सरकार हे ओबीसींच्या हिताचं सरकार आहे. केंद्राच्या मंत्रिमंडळात आज ४० टक्के मंत्री आहेत ही एक महत्त्वाची बाब आहे. त्याचबरोबर शिक्षणात सुद्धा ओबीसींना न्याय देण्याचं काम पंतप्रधान नरेंद्र मोदींनी केलं आहे. मी मागच्या तीस वर्षात राजकारणात आहे पण मी ज्या ठिकाणाहून निवडून येतो तिथे सर्व लोकं ओबीसी समाजाचे आहेत त्यामुळे ओबीसींच्या हिताचे निर्णय घेणं माझं कर्तव्य आणि जबाबदारी आहे असं देवेंद्र फडणवीस म्हणाले आहेत.