बंगळूर : रस्त्यांवर फटका वाजवू नयेत असे आवाहन करणाऱ्या आमीर खानच्या जाहिरातीवर कर्नाटकमधील भाजपचे खासदार अनंतकुमार हेगडे यांनी आक्षेप घेतला आहे. सिएट या टायर कंपनीने दिवाळीनिमित्त ही जाहिरात बनविली आहे.

हेगडे यांनी या कंपनीचे व्यवस्थापकीय संचालक आणि सीईओ अनंतवर्धन गोएंका यांना पत्र धाडले आहे. त्यांनी म्हटले आहे की, या जाहिरातीमुळे हिंदूमध्ये असंतोष पसरला आहे. कंपनी भविष्यात हिंदूंच्या भावनांचा आदर करेल अशी आशा आहे.

रस्त्यांवर फटाके वाजवू नका असे आमीर म्हणतो आहे, पण मग नमाजच्या नावाखाली शुक्रवारी तसेच मुस्लिमांच्या महत्त्वाच्या सणांच्या दिवशी रस्ते अडविले जातात. त्यातून वाहतूक कोंडी होते. याशिवाय मशीदींच्या ध्वनिवर्धकावरून अजान दिली जाते तेव्हा ध्वनिप्रदूषण होते. याचे कारण ध्वनीपातळी निर्धारित मर्यादेपेक्षा जास्त असते. खरे तर ही यादी फार मोठी आहे. येथे मोजकाच तपशील दिला आहे, पण अशा समस्यांवर कंपनी आवाज उठविणार आहे का, असा सवाल त्यांनी केला.