Parliament Monsoon Session:  केंद्र सरकारने २० जुलैपासून सुरू होणाऱ्या पावसाळी अधिवेशनापूर्वी आज सर्वपक्षीय बैठक बोलावली आहे. संसदेच्या पावसाळी अधिवेशनाशी संबंधित विविध मुद्द्यांवर चर्चा करण्यासाठी केंद्र सरकारने आज सर्वपक्षीय बैठक बोलावली आहे.

संसदेचे अधिवेशन सुरू होण्याच्या एक दिवस आधी ही औपचारिक बैठक होणार आहे. या बैठकीत सरकारच्या वरिष्ठ मंत्र्यांसह पंतप्रधान मोदीही सहभागी होणार आहेत.

यापूर्वी ही बैठक राज्यसभा सभापती जगदीप धनखड यांनी मंगळवारी बोलावली होती. परंतु बहुतांश पक्षांचे नेते उपस्थित न राहिल्याने ही बैठक पुढे ढकलण्यात आली होती. (latest marathi news)

विधानसभा आणि लोकसभा निवडणुकीच्या पार्श्वभूमीवर सत्ताधारी आणि विरोधक जोरदार तयारीला लागले आहेत. विरोधकांनी काल बंगळुरू तर विरोधकांनी दिल्लीत बैठक घेतली.

'हे' मुद्दे गाजणार-

पावसाळी अधिवेशन वादळी होण्याची शक्यता आहे. पुढील वर्षी होऊ घातलेल्या लोकसभा निवडणुकांच्या पार्श्वभूमीवर विरोधक सरकारविरोधात आक्रमक भूमिका घेणार आहेत. यासोबतच विरोधी पक्ष महागाई, मणिपूर संकट या मुद्द्यांवरून सरकारवर निशाणा साधू शकतात. संसदेच्या हिवाळी अधिवेशनातही गदारोळ झाला होता.

भाजप खासदार ब्रिजभूषण शरण सिंह, बालोसोर रेल्वे अपघात, देशात वाढते अपघात, पुरपरिस्थीती, हे मुद्दे पावसाळी अधिवेशनात गाजण्याची शक्यता आहे.