नवी दिल्ली : केंद्र सरकारने बुधवारी (ता.तीन) सर्वसामान्यांना थोडासा दिलासा देणारा निर्णय घेतला आहे. डिझेल १०, तर पेट्रोल पाच रुपयांनी केंद्राने स्वस्त केले आहे. या बरोबरच राज्यांनीही व्हॅट कमी करण्याचे आवाहन करण्यात आले आहे. दुसरीकडे भाजप सरकार असलेल्या (PetrolDieselPrices) राज्यांनी ताबडतोब व्हॅटचे दर घटवले आहे. अद्याप महाराष्ट्राने याबाबत निर्णय घेतलेला नाही. मात्र आज गुरुवारी (ता.चार) #भाजपा_हराओ_महंगाई_हटाओ हा हॅशटॅग सध्या ट्विटवर ट्रेंडिंगमध्ये आहे. १४ हजारांपेक्षा अधिक लोकांनी सदरील हॅशटॅग ट्विट करुन महागाई हटवायचे असेल तर भाजपला हरवा असे आवाहन केले आहे. डाॅक्टर विपीन यादव ट्विटमध्ये म्हणतात, की दिवाळीचे बंपर ऑफर, भाजपला हरवा, स्वस्त पेट्रोल, डिझेल मिळवा. (Inflation)

पोटनिवडणुकीत भाजपचा पराभव आणि तेलावरील करात कपात म्हणजे भाजपला हरवा, महागाईला हटवा, असे रुचिरा चतुर्वेदी म्हणते.

भारताने सर्व समस्यांवरील उपाय शोधला म्हणजे भाजपला हरवा, महागाईला हटवा, असे रोहन गुप्ता आपल्या ट्विटमध्ये इतरांना आवाहन करतात.