लखनौ (उत्तर प्रदेश): आकाशामध्ये एलियन सारखी दिसणारी एक वस्तू वाऱयाच्या वेगाने हालचाल करत होती. नागरिकांची पळापळ सुरू झाली. पोलिसांना याबाबतची माहिती समजल्यानंतर घटनास्थळी पोलिस दाखल झाले. ती वस्तू खाली पडल्यानंतर समजले की एलियन नाही तर तो एक फुगा आहे. या फुग्याची चर्चा परिसरात रंगली आहे.
ग्रेटर नोएडामधील स्थानिकांनी आकाशामध्ये एक विचित्र प्रकार दिसला. याबाबतची माहिती अनेकांपर्यंत पोहचली. नागरिकांनी घाबरून पळापळ सुरू केली. आकाशातून एलियन पृथ्वीवर उतरत असल्याची माहिती नागरिकांनी पोलिसांना दिली. पोलिस घटनास्थळी दाखल झाले. मात्र तपासणी केल्यानंतर समोर आले की, आकाशात उडणारा कोणताही एलियन नसून, आयर्न मॅनच्या आकाराचा फूगा आहे. सत्यतेची शहाःनिशा केल्यावर नागरिकांनी सुटकेचा निश्वास सोडला.
पोलिसांनी सांगितले की, 'दनकौर परिसरात आकाशातून वस्तू खाली येत असल्याची अफवा पसरली. यामुळे नागरिकांमध्ये घबराट पसरली होती. परग्रहावरील प्राणी पृथ्वीवर उतरत असल्याचे नागरिकांनी कळवले. काही वेळानंतर ती वस्तू भट्टा परसौल गावाजवळील कालव्याजवळील झुडूपात पडली. फूग्याचा एक भाग कालव्याच्या वाहत्या पाण्याला स्पर्श करत होता, ज्यामुळे फुगा पाण्याच्या प्रवाहाने हलत होता. यामुळे तो एखादा प्राणी असल्याचे नागरिकांना वाटत होते. पण, जवळ जाऊन पाहिल्यानंतर कळले की, तो हवा भरलेला फुगा आहे. फूग्यामध्ये काहीही हानीकारक नव्हते, परंतु, हा फूगा कोणी आकाशात उडविला होता, हे अद्याप कळू शकले नाही.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.