तामिळनाडूची (Tamil Nadu) राजधानी चेन्नई येथील भाजप कार्यालयावर (Chennai BJP office) रात्री उशिरा पेट्रोल बॉम्ब (Petrol bomb) फेकण्यात आलाय. या हल्ल्यानंतर भाजप नेते कराटे त्यागराजन (BJP leader Karate Tyagarajan) यांनी संताप व्यक्त केलाय. ते म्हणाले, भाजप अशा भ्याड हल्ल्यांना घाबरणार नाही. भिक घालत नाही. आमच्या कार्यालयावर मध्यरात्री दीड वाजता पेट्रोल बॉम्ब फेकण्यात आला. 15 वर्षांपूर्वी द्रमुकच्या बाबतीतही अशीच एक घटना घडली होती. या हल्ल्यानंतर आम्ही तामिळनाडू सरकारचा जाहीर निषेध करतोय. याबाबत आम्ही पोलिसांना (Police) बोलावलं असून ही बाब भाजपच्या कार्यकर्त्यांनाही कळवलीय, असं त्यांनी सांगितलं.

मीडिया रिपोर्ट्सनुसार, भाजप कार्यालयावर हल्ला केलेले बदमाश दुचाकीवरून आले होते. दरम्यान, कार्यालयावर पेट्रोल बॉम्ब फेकून बदमाशांनी तेथून पळ काढलाय. आनंदाची बाब म्हणजे, या घटनेत कोणीही जखमी झाले नाही. हल्ल्याची माहिती मिळताच कार्यालयाजवळ मोठ्या संख्येनं कार्यकर्ते जमा झाले आहेत. पेट्रोल बॉम्ब फेकणाऱ्यांवर कडक कारवाई करण्याची मागणी भाजपकडून (BJP) केली जातेय.