नवी दिल्ली : टाइम मॅगझीनने 100 सर्वांत प्रभावशाली लोकांची यादी जाहिर केली आहे. यावर्षी पंतप्रधान नरेंद्र मोदी, पश्चिम बंगालच्या मुख्यमंत्री ममता बॅनर्जी आणि सीरम इन्स्टिट्यूट ऑफ इंडियाचे चेअरमन अदर पूनावाला यांचं नाव या यादीत समाविष्ट आहे.
टाइम मॅगझीनने आज बुधवारी ही यादी जाहीर केली आहे. यामध्ये सगळ्या प्रभावशाली लोकांना वेगवेगळ्या प्रकारांमध्ये विभागण्यात आलंय. Icons, Pioneers, Titans, Artists, Leaders आणि Innovators असे हे प्रकार आहेत.
यामध्ये प्रभावशाली नेत्यांच्या यादीत पंतप्रधान मोदी आणि ममता बॅनर्जींचं नाव आहे. त्यांच्याशिवाय या यादीत अमेरिकेचे राष्ट्राध्यक्ष ज्यो बायडन, उपराष्ट्राध्यक्ष कमला हॅरिस, चीनचे राष्ट्राध्यक्ष शी जिनपिंग, इस्रायलचे राष्ट्रपती नेफ्टाली बेनेट, अमेरिकेचे माजी राष्ट्राध्यक्ष डोनाल्ड ट्रम्प यांची नावे सामील आहेत. तर अदर पुनावाला यांचं नाव जगातील नेत्यांच्या वर्गात समाविष्ट करण्यात आले आहे.
100 सर्वांत प्रभावशाली लोकांच्या यादीमध्ये दहशतवादी संघटना तालिबानचा राजकीय चेहरा मुल्ला अब्दुल गनी बरादर यांचं देखील नाव सामील आहे. याशिवाय इनोवेटर्स प्रकारामध्ये एलॉन मस्क यांचं देखील नाव आहे. यामध्ये ब्रिटीश राजघराण्यातील प्रिंस हॅरी आणि त्यांची पत्नी मेगनचे देखील नाव सामील आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.