पंतप्रधान नरेंद्र मोदी (PM Narendra Modi) यांच्या आदेशानुसार राष्ट्रपती भवनातील (Rashtrapati Bhavan) सर्व रद्दी साफ करण्याचं काम सरकारी कार्यालयांनी हाती घेतलं होतं. त्यानुसार मोठी रद्दी बाजूला काढण्यात आली असून, या संपूर्ण रद्दीचं प्रमाण मोठं आहे. या रद्दीत १३ लाखांपेक्षा जास्त फाईलचा समावेश असून त्यामुळे ८ लाख चौरस फुटांहून अधिक जागा मोकळी झाली आहे. विशेष म्हणजे ही रद्दी विकून थोडी थोडकी नव्हे तर कोट्यवधींचा फायदा झाला आहे.

पंतप्रधान नरेंद्र मोदी यांच्या आदेशानुसार ३१ ऑक्टोबर पर्यंत ही मोहिम राबवण्यात आली होती. या मोहिमेअंतर्गत केलेल्या कामाची माहिती ८ नोव्हेंबरला देण्यात येणार आहे. मात्र आता पर्यंत मिळालेल्या माहितीनुसार तब्बल ४० कोटी रुपयांचा फायदा झाल्याचं समोर आलं आहे. त्यामुळे पुन्हा पंतप्रधान नरेंद्र मोदींचं या कामामुळे कौतुक होऊ शकतं.